Հայ մտավորականներից ովքե՞ր են միանալու ընդդիմության բողոքի ակցիաներին. հարցում
ՀՀ ԱԺ «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանն արդեն երեք օր է՝ Ազատության հրապարակում է և հայտարարել է, որ տուն չի գնալու, քանի որ ժամանակն է քայլեր ձեռնարկել հանուն Արցախի ու Հայաստանի անվտանգության։ Նա նաև հայտարարել է, որ ամենօրյա ռեժիմով բողոքի ակցիաներ են լինելու, ընդդիմությունը որոշել է ապակենտրոն ու ցանցային պայքար սկսել:
1or.am-ը պարզել է, թե հայ մտավորականներից ովքեր են պատրաստվում մասնակցել նախատեսվող բողոքի ակցիաներին.
«Դուք չգիտե՞ք, որ ես մտավորական չեմ, որպես մտավորական հանդես չեմ գալիս և չեմ հասկանում՝ ինչ է նշանակում մտավորական: Ես մեկնաբանություններ չունեմ այս իշխանությունների վերաբերյալ». Սասուն Պասկևիչյան
«Օրը գա, բարին հետը, ես ի՞նչ իմանամ: Ես վախենում եմ՝ վատ բաներն ավելի արագ կատարվեն, քան մեր բողոքի ակցիան». Դավիթ Հակոբյան
«Դեռ չեմ որոշել». Բաբկեն Չոբանյան
«Ես մասնակցությունս ունեցել եմ առաջին իսկ օրերից, եթե բացեք իմ էջը, կտեսնեք մտավորականի կարծիքը, որը ես ունեմ դեռ նոյեմբերի 9-ի չարաբաստիկ թուղթը ստորագրելուց հետո». Տիգրան Ներսիսյան
«Ես պարբերաբար ի՛մ բողոքի ակցիաներն եմ անում լրատվամիջոցներով և իմ սեփական հեղինակային հաղորդման միջոցով: Ես կողմ եմ բոլոր նրանց, ովքեր հանուն հայի են ելել, այլ ոչ թե ընդդեմ ինչ-որ մի ուժի, եթե մենք հանուն հայի ելնենք, ում փորձում ենք հիմա ընդդեմ գնալ, միանգամից լուսանցքից դուրս է հայտնվելու և ի վերջո իշխանությունից ինքնակամ կամ ոչ ինքնակամ, միևնույնն է, հեռանալու է». Գագիկ Գինոսյան
«Մինչև հիմա որևէ ակցիա, հանրահավաք չի եղել, որ Հանրապետական կուսակցությունը լուրջ մասնակցություն չունենա, և անհնար է, որ հետագայում էլ չմասնակցի: Ես կարծում եմ, որ ցանցային այս պայքարն ավելի մեծ ուժ ու դինամիկա պետք է ստանա և այդ պարագայում Հանրապետականն իր անելիքը միշտ իմանում է, միայն թե կարողանա այս իշխանություններին տեղից շարժել, որովհետև այսօր բոլոր կարմիր գծերն անցել են, և այս պարագայում, կարծում եմ, ոչ միայն մտավորականները, այլ բոլոր քաղաքական ուժերը, բոլոր քաղաքացիները պետք է հասկանան, թե ինչ վտանգի առջև են կանգնած Հայաստանի և Արցախի Հանրապետությունները և ոտքի կանգնեն». Կարինե Աճեմյան
«Ես իմ տեսակետն ունեմ, բայց դա չի նշանակում, որ պետք է պարտադիր գնամ, կանգնեմ սրա-նրա կողքը և տարբեր անեծքներ լսեմ: Համենայն դեպս, բաներ կան, որոնց հետ համամիտ չեմ և չեմ կարծում, որ թուրքը կարող է հային բարեկամ լինել, բայց դա չի նշանակում, որ ես պետք է գնամ, կանգնեմ այնտեղ, որ հասկանան՝ ես ընդդիմության կողմից եմ, թե պետության: Ես իմ հայրենիքի՛ կողմից եմ». Արմեն Էլբակյան
1
2
3
4
5
1
2
3
4
5
3
