Վախճանվել Է ֆրանսիացի նշանավոր գրող Էդմոնդա Շառլ Ռուն
Ուշադրության կենտրոնում
95 տարեկան հասակում կյանքից հեռացել Է ֆրանսիացի նշանավոր գրող, Գոնկուրյան ակադեմիայի նախկին նախագահ Էդմոնդա Շառլ Ռուն: Այդ մասին, ինչպես տեղեկացնում Է«Արմենպրես»-ը, հունվարի 21-ին հայտնել Է ակադեմիայի քարտուղար Մարի Դաբադին:
«Էդմոնդա Շառլ Ռուն մահացել Է հունվարի 20-ին Մարսելում»,-գրել Է նա Twitter սոցցանցի իր Էջում:
Էդմոնդա Շառլ Ռուն, ով հայտնի Է որպես գրող ու լրագրող, գրել Է տասնյակ գրքեր, որոնցից առավել մեծ ժողովրդականություն Է վայելել նրա առաջին վեպը՝ «Մոռանալ Պալերմոն», որը թարգմանվել Է 27 լեզուներով: Այս գրքի համար 1966 թվականին նրան շնորհվել Է Գոնկուրյան մրցանակ՝ Ֆրանսիայի ամենաբարձր գրական պարգեւը:
Շառլ Ռուն գրական ստեղծագործությունը համատեղել Է ժուռնալիստիկայի բնագավառում ակտիվ աշխատանքի հետ: Տարբեր տարիների նա աշխատել Է ֆրանսիական այնպիսի հայտնի հանդեսներում, ինչպիսիք են՝ «Էլ»-ը եւ «Վոգ»-ը: Վերջին հրատարակությունը նա գլխավորել Է որպես գլխավոր խմբագիր: 1983 թվականից մինչեւ իր կյանքի վերջին օրերը գրողը Գոնկուրյան ակադեմիայի անդամների թվում Էր՝ մասնակցելով պատվավոր պարգեւի դափնեկիրների որոշմանը:
2002 թվականին նա ընտրվել Էր ակադեմիայի նախագահ՝ պատմության մեջ դառնալով այդ պաշտոնն զբաղեցրած երկրորդ կինը: Գոնկուրյան ակադեմիայի նախագահի պաշտոնում Շառլ Ռուն եղել Է մինչեւ 2014 թվականը, հաղորդել Է ՏԱՍՍ-ը:
1
2
3
4
5
1
2
3
4
5
1
2
5
