Հայաստանի գործող իշխանությունների մեջ ճաքերը գնալով ավելի ու ավելի են ցայտուն դառնում
Շաբաթներ առաջ միջադեպ և լեզվակռիվ էր տեղի ունեցել Ազգային ժողովի Պաշտպանության և անվտանգության հարցերի մշտական հանձնաժողովում, ՔՊ-ական պատգամավոր «Շիշ բռնող» մականունով Հայկ Սարգսյանի և հանձնաժողովի նախագահ Անդրանիկ Քոչարյանի միջև։ Երեկ էլ կրկին «Շիշ բռնողը» առիթը բաց չի թողել՝ ծաղրելու Քոչարյանին և վերջինիս խոսքերը իրականությունից կտրված անվանելու։ Անդրանիկ Քոչարյանը, խոսելով «Զինծառայողների կարգավիճակի մասին» օրենքում առաջարկվող փոփոխություններից, հայտարարել էր, թե իր և ժամանակին անկախ պատգամավոր Արման Բաբաջանյանի հեղինակած նախագիծը, որով առաջարկում էին համաներում շնորհել 27 տարին լրացած այն անձանց, ովքեր խուսափել են ծառայությունից, նպաստել է նրանց հայրենիք վերադառնալուն։ Հայկ Սարգսյանը զարմանալիորեն չափազանց կտրուկ է արտահայտվել։
«Անդրանիկ Քոչարյանի մտքերն այն մասին, թե 27 տարին լրացածներին տվեցինք համաներում, նրանց մի մասը վերադարձավ, ցավոք ճիշտ չեն, նրանցից շատերը եկել, իրենց անձնագրերի հետ կապված, կալանքի հետ կապված հարցերը լուծել ու լքել են հայրենիքը։ Այսինքն մենք համաներում ենք արել, որ իրենք գան ու ինտեգրվեն ՀՀ, նրանք եկել և էլի արտագաղթել են»,- ասել է Սարգսյանը։
Կարելի է երկար վիճել այս պնդման ճշմարտացիության անկեղծ լինելու մեջ, փաստն այն է, որ փաշինյանական պատգամավորներն այլևս իրենց չեն կարողանում զսպել և հրապարակավ՝ տեսախցիկների առջև, անվանարկում, ծաղրում և վիրավորում են իրար։ Իհարկե, սա ո՛չ առաջին, ո՛չ էլ վերջին դեպքն է։ Առաջիկայում իշխանության թուլացմանը զուգահեռ մենք ավելի ու ավելի ենք տեսնելու նման դրսևորումներ, և որևէ կերպ դրա դիմացն առնելն այլևս անհնար է լինելու։
Փաշինյանական վարչախմբի անդամներն իրենք էլ լավ գիտակցում են, որ հողը անշրջելիորեն գնում է իրենց ոտքերի տակից և փորձելու են իրենց համար կա՛մ նահանջի ճանապարհներ մոգոնել, կա՛մ փորձել հանրության աչքում լավ աշխատող պատգամավորի կերպար ձևավորել, որպեսզի հետագայում կարողանան լուծել իրենց խնդիրները, կա՛մ էլ հնարավորինս քաղաքականացնեն իրենց դեմ հարուցվող քրեական հետապնդումները։
Մանվել Ավետիսյան
1
2
3
4
5
1
2
3
4
5
1
2
3
5
