Չինաստանը սկսեց
Չինաստանի արտգործնախարար Վան Ին Ուկրաինայի ԱԳ նախարար Կուլեբայի հետ հեռախոսազրույցում կոչ է արել բանակցային ճանապարհով լուծել հակամարտությունը, գրում է BBC-ն։ «Պատերազմը վաղ թե ուշ ավարտվում է. Գլխավորն այն է, թե ինչպես վերապրել ցավը և Եվրոպայում ստեղծել հավասարակշռված, արդյունավետ և կայուն անվտանգության մեխանիզմ»,- իր զրուցակցին ասել է Վան Ին։
Մարտի սկզբին Կուլեբան Չինաստանին խնդրել էր օգտագործել իր ազդեցությունը Մոսկվայի վրա՝ դադարեցնելու ռուսական ներխուժումը: Չինաստանը «հավասարակշռված» դիրք է բռնել՝ մի կողմից, չի դատապարտել Ռուսաստանին եւ չի միացել պատժամիջոցներին, մյուս կողմից հայտարարել է, որ ռազմական օգնություն չի ցուցաբերելու ՌԴ-ին եւ չի օգնելու շրջանցել պատժամիջոցները։ Չինական նավթագազային խոշորագույն ընկերությունները դադարեցրել են գործունեությունը Ռուսաստանում, չի արդարացնում ֆինանսական գործառնությունների Մոսկվայի հույսերը, միեւնույն ժամանակ՝ Չինաստանն արդեն սկսել է օգտվել Ռուսաստանի ներկայիս մեկուսացումից։ Մասնավորապես, նավթը ներմուծում է անվճար, գազը՝ շատ մեծ զեղչերով, այն վերավաճառելով այլ շուկաներում։
Ուկրաինայի դեմ պատերազմից առաջ Պուտինը Պեկինում հռչակագիր ստորագրեց Ծինփինի հետ, որը պրոպագանդան ներկայացրեց որպես ռուս-չինական դաշինք։ Իրականությունը սակայն այն է, որ այդպիսով Ռուսաստանը լիակատար կախման մեջ էր ընկնում Չինաստանից։ Պուտինն «ամրացնում» էր թիկունքը, Չինաստանի հետ ողջ սահմանից հանելով զորքը եւ տեղափոխելով Ուկրաինա, իր հերթին՝ Պեկինը երաշխիքներ տալով՝ նպաստեց Ուկրաինայի դեմ պատերազմին։
2020-ի հոկտեմբերին Պեկինը Մոսկվայի խնդրանքով ՄԱԿ ԱԽ-ում արգելափակեց Լեռնային Ղարաբաղում ռազմական գործողությունները դադարեցնելու վերաբերյալ բանաձեւը, ապահովելով «թիկունքը» Հայաստանի դեմ ռուս-թուրքական արշավի համար։
Այս ֆոնին, չինական փիլիսոփայական «խրատները» խաղաղության մասին նույնքան խորն են, որքան չինական «ռազմավարական համբերությունը»․ դեպի Հորդան շրջված Ռուսաստանը դարձել է Պեկինի ավարը։
1
2
3
4
5
2
3
4
5
1
2
3
4
5
