Խորհուրդներ՝ շուրթերին գեղեցիկ տեսք հաղորդելու համար

Life.panorama.am-ը գրում է.

Շատ կանայք ցանկանում են ունենալ հաստ և գեղեցիկ շուրթեր, քանի որ դա գրավիչ և գեղեցիկ է դարձնում:

Շուրթերը կարելի է մեծացնել, եթե ատամները լվանալու ժամանակ մածուկը քսեք շուրթերին և նուրբ շարժումներով մերսեք դրանք: Դա կլավացնի արյան շրջանառությունը այդ հատվածում և շուրթերն ավելի հաստ կլինեն, բայց արդյունքը կպահպանվի մի քանի ժամ:

Ընտրեք ճիշտ երանգի շրթներկ

Ճիշտ գույն ընտրելով կարելի է թաքցնել թերությունը և ընդգծել առավելությունը: Հիշեք, որ բաց երանգները միշտ ավելի հաստ են ցույց տալիս շուրթերը, իսկ մուգ գույները՝ փոքրացնում են: Որպեսզի շուրթերը ավելի մեծ և գեղեցիկ տեսք ունենան, ընտրեք նուդ երանգի շրթներկ, իսկ կարմիր և վարդագույն երանգներից ավելի լավ է խուսափել՝ այդ գույները ուշադրությունը կկենտրոնացնեն երեսի հենց այդ հատվածում:

Նախընտրեք փայլուն շրթներկ

Եթե Ձեր շուրթերը բարակ են, ապա նախապատվություն տվեք  փայլող շրթներկին: Եթե շուրթերը չարտացոլեն լույսը, ապա նրանք ավելի բարակ կերևան, քան իրականում կան: 

Նկարեք շուրթերի ճիշտ ուրվագիծ

Եթե Ձեր շուրթերի ուրվագիծը այդքան էլ գեղեցիկ չէ, ապա օգտագործեք բաց երանգների մատիտ: Առաջին հերթին քսեք տոնային կրեմ շուրթերը միագույն դարձնելու համար, այնուհետև նկարեք գեղեցիկ ուրվագիծ և քսեք բաց գույնի շրթներկ:

Ավելի հաստ ներքևի շուրթի էֆֆեկտ

Որպեսզի ստորին շուրթին մեծություն հաղորդեք, մեջտեղի հատվածում քսեք մի քանի տոն բաց շրթներկ և հավասարաչափ տարածեք: Շատ հոլիվուդյան աստղեր հենց այդպես էլ անում են:

Հուսով ենք մեր խորհուրդները կօգնեն Ձեզ ավելի գեղեցիկ և արտահայտիչ շուրթեր ունենալ: