Հայաստանում հասունացել է հանրակրթական բովանդակությունը վերանայելու հարցը
Հասարակություն
Հայաստանում հասունացել է հանրակրթական բովանդակությունը վերանայելու հարցը: Այս մասին հունվարի 20-ին լրագրողների հետ զրույցում նշեց ՀՀ կրթության և գիտության Արմեն Աշոտյանը:
«Բազմաթիվ երկրներ վերանայում են իրենց հանրակրթական բովանդակությունը: Դա արել է Ռուսաստանը, անում է Վրաստանը: 10-15 տարին մեկ հանրակրթության բովանդակության վերանայման հարց կա: Մեզ մոտ այդ հարցը նույնպես հասունացել է: Երկարաժամկետ գործընթացը է, որը հարուցելու է հանրային քննարկումները, մասնագիտական քննադատություն: Երբ փաստաթուղթը լինի, բոլոր մասնագիտական խմբերը բողոքելու են: Ամեն մի խմբին գուցե իրավացիորեն թվում է, որ առանց իրենց առարկայի գոյություն չունի կրթություն: Եվ այդ առարկայի դասաժամերը հնարավոր չէ անսահմանափակ ավելացնել: Հետևաբար մենք պետք է ունենանք ժամանակից կրթական բովանդակություն, իրատեսական, բովանդակություն, որը տալու է ավելի մեծ ակադեմիական ազատություններ, ավելի ճկուն կրթություն ստանալու հնարավորություններ»,-«
Նախարարի խոսքով` գործընթացը ներառելու է նաև դասագրքերի վերանայում, ուսուցիչների վերապատրաստում, և տևելու է մի քանի տարի:
«Անխուսափելի գործընթաց է: Ես կարծում եմ,որ այն կիրականացնենք փուլերով: Սա պատմական շանս է վերանայելու կրթության բովանդակությունը: Հիմա իրականացնում ենք համեմատական վերլուծություն այն երկրների հետ, որոնք մեզ հետ համադրելի են կամ հետաքրքիր են: Ուսումնասիրելու ենք այն երկրների փորձը, որոնք հաջողությամբ են իրականացրել փոփոխությունները, շատ հետաքրքիր է Վիետնամի փորձը: Հսկայական ռեֆորմների արդյունքում այնտեղ կտրուկ բարձրացավ կրթական համակարգի վարկանիշը »,-եզրափակեց Արմեն Աշոտյանը:
1
2
3
4
5
1
2
4
5
3
4
