Քանի օր է մնացել պատերազմի ավարտին. փորձագետների եզրակացությունը
Չգիտեմ՝ ով է ասել, որ ռուսական բանակը պետք է ռազմական գործողությունները 3-4 օրում ավարտեր։ Ռուստաստանի կողմից որևէ ժամկետ չի նշվել ու նայելով նույն Ռուսաստանի քաղաքականությանը՝ իրենք ամենևին էլ ժամկետի վրա չեն աշխատում, իրենք վերջնարդյունքի վրա են աշխատում, գործն անում են նպատակի համար, իսկ թե նպատակը որն է, նպատակը առաջին հերթին Զելենսկիին իշխանությունից զրկելն է, իսկ եթե չեն կարողանում զրկել, ապա Կիևը վերցնել վերահսկողության տակ, որից հետո արդեն Ուկրաինան տրոհվում է։ Անդրադառնալով ռուս-ուկրաինական ընթացող պատերազմին, մասնավորապես ռուսական բանակի գործողություններին «Հրապարակի» հետ զրույցում ասաց ռազմական փորձագետ Կարեն Հովհաննիսյանը։
«Այս պահին իհարկե Ռուսաստանը փորձ է կատարվում Կիևը ռազմական գործողությունների արդյունքում չվերցնել։ Փորձում է բանակցությունների միջոցով այն վերցնել, այսինքն՝ եթե ավելի տպավորիչ ասեմ, ապա փորձ է կատարվում կապիտուլյացիայի փասթաղթի ստորագրում իրականացնել։Ես չեմ կարծում, թե այսօրվա բանակցությունները արդյունք կտան, քանի որ Զելենսկիի հայտարարությունները, տեղեկատվական դաշտում նրանց դրսևորումները հստակ խոսում են այն մասին, որ Ուկրաինան դեռևս պատրաստ է կռվելու ու մինչև վերջ կռվելու։ Իրականում ես արդյունքը համարում եմ ոչ թե կապիտուլյացիայի փաստաթուղթը, այլ մարդասիրական հրադադարը։ Եթե բանակցությունները արդյունք չտան, մտածում եմ, որ Կիևը նույնպես ենթարկվելու է հրթիռակոծության ու լինելու են ավերվածություններ։ Դրանից հետո նոր արդեն հնարավոր է որևէ փաստաթղթի ստորագրում»,- պնդեց Հովհաննիսյանը։
Ռազմական փորձագետի խոսքով՝ մարտի դաշտում ծավալվող իրադարձությունների վերաբերյալ տեղեկատվությունը մեզ հստակ չի հասնում, մի կողմը այլ պատկեր է ներկայացնում, մյուսն՝ այլ, սակայն Հովհաննիսյանի պնդմամբ հստակ է, որ Ռուսաստանը ռազմական գործողությունների առումով փոխել է իր մարտավարությունը։
«Ռուսաստանը հստակ անցել է կրակի խտացման։ Արդեն քաղաքացիական շենքերն ու շինություններն էլ են թիրախ ընտրվել, այսինքն՝ խաղաղ բնակչությունն էլ այս ամենի արդյունքում սկսել է տուժվել։ Ուկրաինան ռազմի դաշտում հստակ անցել է ինքնապաշտպանության, քանի որ փակված է զենք-զինամթերքի մատակարարման ճանապարհները, ինչի արդյունքում էլ հստակ ինքնապաշտպանություն է, որը չեմ կարծում երկար կարող է տևել։ Այս պահին Ռուսաստանը այնպիսի մարտավարություն է բանեցնում, որ պարզ լինի՝ այլևս գնալու տեղ չկա, պետք է ի վերջո կապիտուլյացիայի փաստաթուղթ ստորագրել։ Ուկրաինան իր հերթին շարունակում է ժամանակ շահել, որովհետև այդ ժամանակի մեջ պատժամիջոցները, որոնք կիրառվում են Ռուսաստանի նկատմամբ, հատկություն ունեն ռուսների վրա ազդելու։ Ուկրաինան կարծում է, որ պատժամիջոցների արյդունքում Ռուսաստանը կթուլանա, կթուլանան հետևաբար նաև պատժամիջոցները։ Ուկրաինան, այլ խոսքով, փորձում է երկարաձգել, իսկ երկարաձգելը նույն փաստաթղթերի ստորագրումն է։ Եթե մենք խոսում ենք բանակների լավ ու վատ կողմերի մասին, լավը կամ վատը լինելու մասին, պետք է արդյունքին նայենք։ Ուկրաինական կողմը այս պահին չունի արդյունք, այնտեղ բնակավայրերը մեկը մյուսի հետևից ընկնում են, ուկրաինական որոշակի ստորաբաժանումներ էլ մեկը մյուսի հետևից վայր են դնում զենքերը, բայց, այնուամենայնիվ, փորձ են անում կռվել, թեպետ զրկված են առհասարակ օդային պաշտպանությունից, կապից, զրկված են ինֆորմացիոն կապերից։ Ես դրական չէի գնահատի ուկրաինական բանակի գործողությունները, որովհետև իսկապես նրանք կարող էին ավելին անել։ Առանձին զինվորների քաջագործությունները, դա ամենևին չի նշանակում, որ բանակը լավ է կռվում»,- նշեց Կարեն Հովհաննիսյանը՝ հավելելով, որ իր կանխորոշմամբ պատերազմի ավարտին հաշված օրեր են մնացել։
Ավելին՝ այստեղ
1
2
3
4
5
1
3
4
5
1
2
3
5
