Ավետիսյանների սպանության գործով դատական նիստն ընդմիջվեց 30 րոպեով
Blog
Նազելի Էլբակյանը ֆեյսբուքյան իր էջում գրում է.
Արթուր Սաքունցը հանդես եկավ միջնորդությամբ՝ դատական նիստը Շիրակի մարզի ընդհանուր իրավասության դատարանում անցկացնելու մասին: Մեջբերելով, որ 2015 թվականին որոշում է կայացվել նիստն արտագնա անցկացնել: Գնահատելով այն հանգամանքը, որ Վալերի Պերմյակովը ռուսական կայազորային դատարանով դատապարտվել է ազատազրկման, իր պատիժը կրում է ռազմաբազայի տարածքում:
Արթուր Սաքունցը հիշատակեց, որ դատարանի պատճառաբանությունը փաստորեն այն է, որ անձի արդար դատաքննության շահերից է բխում նիստն արտագնա անցկացնելը: Սաքունցը նշեց՝<< այսինքն դատարանը կասկածի տակ է դնում այն բոլոր դատավարությունները, որոնք արտագնա չեն անցկացվել, ըստ այդմ էլ արդարադատության արդյունավետության շահերից չեն բխել>>:
Պաշտպանը հավելեց, որ ինքը չի պատկերացնում, թե ինչ կարգով են ընթանալու դատերը, երբ Շիրակի մարզի ընդհանուր իրավասության դատարանի որոշումը հետագայում բողոքարկվի Վերաքննիչ դատարանում: <<Առաջին դատական նիստին ականատես եղանք, որ ՀՀ դատարանն ունի բոլոր ռեսուրսներն, որ Պերմյակովի անվտանգ մասնակցությունն ապահովի Շիրակի մարզի ընդհանուր իրավասության դատարանի շենքի համապատասխան դահլիճում: ՈՒստի դատարանի որոշումը համարում ենք անվստահության դրսեւորում ՀՀ իրավասու մարմինների նկատմամբ: Գտնում ենք, որ ռուսական բազայի տարածքում նիստն անցկացնելը արդար դատաքննության որեւէ սկզբունքին չի համապատասխանում, չի բխում ոչ տուժողների, ոչ ամբաստանյալի շահերից:
Տուժողների իրավահաջորդների ներկայացուցիչ Լուսինե Սահակյանը նշեց ՝<< Դատարանը պետք է լուծի այն խնդիրը, որ Պերմյակովը վանդակներում չգտնվի, սա Եվրոպական դատարանին դեմ է>>: Այնուհետ փաստաբանը դիմեց դատավորին ու ասաց, որ իրենք զգում են նրա կաշկանդվածությունըւ եւ եթե դատավարության վայրը փոխվի, այդ հարցը եւս կլուծվի, ըստ Լուսինե Սահակյանի: Նրա խոսքով արտագնա նիստի անցկացումը հիմնավոր պատճառաբանված չէ: <<Այս պայմաններում աշխատել հնարավոր չէ: Միջնորդությանը միանում եմ: Պերմյակովի իրավունքները խախտված չեն մինչեւ վանդակում նրա գտնվելը: Դա եւս պիտի վերացվի, որպեսզի հետո չբողոքարկվի>>:
Երվանդ Վարոսյանն ասաց, որ չի հասկանում, թե ինչու ՀՀ պետք է հավելյալ ծախսեր կատարի արտագնա նիստի անցկացման համար:
Երեմ Սարգսյանը հատուկ շեշտադրում արեց, որ դատարանի անկախությունն ու անկաշկանդ լինելը պետք է նաեւ համոզիչ լինի; Գաղտնիության ապահովումը կարեւորելով նշեց՝ մեր մեջ կասկածներ են առաջանալու, թե դատարանն ուր գնաց, ում հետ խոսեց: Մենք հայկական դատարաններում տեսնում ենք խորհրդակցական սենյակն իր մուտք ու ելքով: <<Այս վիճակում՝ արհեստական պատնեշով, Պերմյակովը կհարմարվի ստեղծված վիճակին եւ արդյունավետ հարցաքննություն ապահովել չենք կարողանա>>:
Միհրան Պողոսյանը եւս համամիտ էր գործընկերների հետ, միանացավ ներկայացված միջնորդությանը:
Վալերի Պերմյակովը դատարանին հայտնեց, որ իր համար տարբերություն չկա, թե նիստը որտեղ կանցկացվի: Ամբաստանյալի պաշտպանը դատարանին առաջարկեց հանել Պերմյակովի ձեռնաշղթաները: Հայտարարվեց 30 րոպե ընդմիջում:
1
2
3
4
5
1
2
3
4
5
1
3
4
