Բնական բաղադրատոմս՝ կնճիռներից ազատվելու համար

Life.panorama.am-ը գրում է.

 

Առաջարկվող քսուքը դիմահարդարման թանկարժեք պարագաների հիանալի այլընտրանք է։ Այն վաղուց ապացուցել է իր արդյունավետությունը նույնիսկ ամենախոր կնճիռների դեմ պայքարում։ Քսուքը պատրաստելը դժվարություն չի ներկայացնում, իսկ արդյունքը կզարմացնի անգամ թերահավատներին։

 

Կախարդական քսուք կնճիռների դեմ.

 

Բաղադրիչներ.

 

- ½ թարմ ձվի դեղնուց

- 2 թեյի գդալ նուշի յուղ (կարելի է փոխարինել ձիթապտղի յուղով)

- 1 թեյի գդալ ծովային աղ

- 2 թեյի գդալ երիցուկի թուրմ

- ½ թեյի գդալ հեղուկ մեղր

- 2 թեյի գդալ կոսմետիկ վազելին

 

Պատրաստման եղանակ.

 

1. Սկզբում պատրաստեք երիցուկի թուրմը։ Դրա համար 1 թեյի գդալ չորացրած խոտաբույսի վրա լցրեք 200 միլիլիտր ջուր։ Եռացրեք 2-3 րոպե, փաթաթեք ամանը սրբիչով և թողեք հովանա 15 րոպե։

 

2. Խառնեք մեղրը յուղի դեղնուցի և թուրմի հետ

 

3. Խառնեք վազելինը աղի հետ

 

4. Միացրեք երկու խառնուրդները և լավ հարեք։ Պետք է ստացվի մածուցիկ և յուղոտ զանգված։ Պահեք քսուքը սառնարանում։

 

Քսեք քսուքը դեմքին և պարանոցին նուրբ մերսող շարժումներով, թողեք 30 րոպե։ Մաքրեք հանքային ջրի մեջ թաթախված անձեռոցիկով։ Մինչև այն օգտագործելը ճշտեք՝ արդյոք չունեք ալերգիա բաղադրիչներից որևէ մեկի նկատմամբ. երիցուկը, մեղրը և աղը կարող են խնդիրներ առաջացնել զգայուն մաշկ ունեցողների համար։