Օզբիլիսն է ցանկություն հայտնել հեռանալ «Սպարտակ»-ից. Ալենիչև
Սպորտ
Մոսկվայի «Սպարտակ»-ի գլխավոր մարզիչ Դմիտրի Ալենիչևը հաստատել է թիմից Հայաստանի ազգային հավաքականի կիսապաշտպան Արաս Օզբիլիսի հեռանալու մասին լուրերը: «Այո, Արասն ուներ խաղային քիչ պրակտիկա, վնասվածքից հետո ոչ մի կերպ չէր կարողանում վերադառնալ խաղային ռիթմի: Անձամբ ֆուտբոլիստն է ցանկություն հայտնել փոխել ակումբը, և մենք գտնում ենք, որ այլ ակումբում նա կկարողանա հաճախ խաղալ, կստանա լրացուցիչ պրակտիկա: Յուրա Մովսիսյան, Ա րաս, Կիրիլ Կոմբարով…կարծում եմ, որ 3-4 ֆուտբոլիստ կհեռանա»,- ինչպես փոխանցում է «Արմենպրես»-ը՝ վկայակոչելով Championat.com-ը, ասել է Ալենիչևը:
Մոսկովյան ակումբն այս օրերին Դուբայում ուսումնամարզական հավաք է անցկացնում: Օզբիլիսը և Կիրիլ Կոմբարովը մնացել են Մոսկվայում և մարզվում են թիմի երկրորդ կազմի հետ: Արդեն պաշտոնապես հայտնի է դարձել, որ Մովսիսյանը մինչ 2016 թվականի դեկտեմբերի 1-ը վարձավճարով տեղափոխվել է MLS-ի «Ռեալ Սոլթ Լեյք»:
Ավելի վաղ TASS-ը հաղորդել էր, որ Օզբիլիսի ծառայություններով հետաքրքրված են հոլանդական և ամերիկյան թիմեր: Միաժամանակ, նրան ցանկանում է վարձակալել իսպանական «Ռայո Վալեկանո»-ն:
1
2
3
4
5
1
2
3
4
5
2
