«Ասում են` չկա, չեն տալիս». ադրբեջանցիները հրաժարվում են վերադարձնել Տեղի բնակչի 300 ոչխարները
Ուշադրության կենտրոնումՏեղ գյուղի բնակիչ Սուրիկ Մաթևոսյանի մոտ 300 ոչխարները, որոնք ադրբեջանցիները առևանգել էին, մինչեւ այժմ չեն վերադարձրել։ NEWS.am-ի հետ զրույցում ասաց Տեղ համայնքի ղեկավար Դավիթ Ղուլունցը։
«Դե որ այսքան ժամանակ չեն տվել, դժվար էլ վերադարձնեն, ասում են` չկա, չեն տալիս էլի: Խաղաղապահների միջոցով էլ փորձեցինք վերադարձնել, սակայն ոչինչ չստացվեց»,- ասաց նա:
Ղուլունցը նշեց, որ մարզպետը ասել է, որ գրությամբ դիմեն մարզպետարան, որպեսզի փոխհատուցում տրամադրեն Սուրիկ Մաթեւոսյանին:
«Բոլոր ոչխարները մի հոգու են պատկանում, վնասը շատ մեծ է, դրա պատճառով անպայման փոխհատուցում կտրվի գումարի տեսքով»,- ասաց նա:
Համայնքապետը նշեց, որ այլ միջադեպեր չեն գրանցվել եւ հույս հայտնեց, որ սահմանազատման գործընթացից հետո ամեն ինչ կկարգավորվի եւ նման միջադեպեր այլեւս տեղի չեն ունենա:
Հիշեցնենք, որ հունվարի 13-ին ադրբեջանցիները առևանգել էին Տեղ համայնքի 53-ամյա հովիվ Սուրիկ Մաթևոսյանին և նրա մոտ 300 ոչխարներին։ Մեկ օր անց բանակցությունների արդյունքում խաղաղապահներին են փոխանցել գերեվարված Սուրիկ Մաթևոսյանին, սակայն առևանգված ոչխարները մինչև այսօր շարունակում են մնալ ադրբեջանցիների մոտ։
1
2
3
4
5
1
2
3
4
5
1
3
4
