ՔՊ-ն՝ 102-րդ ռազմաբազայի դուրսբերման վերաբերյալ
ՀասարակությունՀայաստանի իշխանությունն անհեթեթ է համարում մամուլում շրջանառվող լուրերն այն մասին, թե Գյումրիից դուրս է բերվում 102-րդ ռուսական ռազմաբազան։ Այս մասին հունվարի 25-ին Ազգային ժողովում ավանդական ճեպազրույցների ժամանակ հայտարարեց «Քաղաքացիական պայմանագիր» խմբակցության քարտուղար Արթուր Հովհաննիսյանը։
Պատգամավորը շտապեց հիշեցնել, որ Հայաստանն ու Ռուսաստանը «ռազմավարական դաշնակիցներ» են։ «Այս պահին Հայաստանի եւ Թուրքիայի միջեւ նոր երկխոսություն է սկսվել՝ հատուկ բանագնացների միջոցով։ Այն սկսվել է վերջերս, եւ, հետեւաբար, համապատասխան գերատեսչությունները կտեղեկացվեն իրադարձությունների զարգացման մասին»,- ասաց Հովհաննիսյանը՝ անդրադառնալով հայ-թուրքական հարաբերությունների կարգավորման շրջանակում ռուսական ռազմաբազայի դուրսբերման մասին մամուլի հրապարակումներին։
«Նման խոսակցություններն այս պահին որեւէ հիմք չունեն։ Հետեւաբար, դրանք մեկնաբանության ենթակա չեն։ Նման քննարկում մեր իրականության մեջ չկա»,- վստահեցրեց քաղաքական ուժի ներկայացուցիչը, որի երբեմնի ընդդիմադիր առաջնորդը ակտիվորեն հանդես էր գալիս ՀԱՊԿ-ից Հայաստանի դուրսբերման օգտին։
Իր հերթին, ՔՊ-ական մեկ այլ պատգամավոր Վահագն Հովակիմյանը նշեց, որ ռազմաբազայի տեղակայման պայմանագիրը գործում է մինչեւ 2049 թվականը՝ լռելով այն մասին, որ կողմերից մեկը ցանկացած պահի կարող է չեղարկել պայմանագիրը։
Նշենք, որ «Ժողովուրդ» օրաթերը գրել էր, թե Թուրքիայի հետ հարաբերությունների կարգավորումը կարող է հանգեցնել ռուսական 102-րդ ռազմակայանի դուրսբերմանը։
1
2
3
4
5
2
3
4
5
3
4
5
