Հայտնի է մոր և դստեր առեղծվածային մահվան պատճառը
Մասիս քաղաքի բնակարաններից մեկում նախօրեին մահացած վիճակում հայտնաբերված մայրն ու դուստրը նախնական տվյալով մահացել են գազի արտահոսքից։ Այս մասին NEWS.ам-ի հետ զրույցում ասաց Քննչական կոմիտեի մամուլի խոսնակ Վարդան Թադեւոսյանը։
Մայրը 47 տարեկան էր, իսկ դուստրը՝ 27։ Նրանց մահացած վիճակում հայտնաբերել է հայրը։
Քննչական կոմիտեն հաղորդում է նաեւ, որ փաստի առթիվ քրեական գործ է հարուցվել ՀՀ քրեական օրենսգրքի 279-րդ հոդվածի 3-րդ մասով (Անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը, որոնք անզգուշությամբ առաջացրել են մարդու մահ):
Ձեռնարկվում են անհրաժեշտ քննչական գործողություններ՝ մոր եւ դստեր մահվան հանգամանքները պարզելու ուղղությամբ: Նախաքննությունը շարունակվում է:
Ավելի վաղ հայտնել էինք, որ հունվարի 11-ին, ողբերգական դեպք է տեղի ունեցել Արարատի մարզում։ Մասիսի ոստիկանության բաժին ահազանգ էր ստացվել, որ Մասիս կայարանի 12 շենքի բնակիչները տեւական ժամանակ է՝ չեն պատասխանում դռան եւ հեռախոսի զանգերին։
Ոստիկաններն ու քննիչները նշված տանը հայտնաբերել էին մոր եւ դստեր դիերը։
1
2
3
4
5
1
3
4
5
1
2
3
5
