Ուկրաինան ոչնչացնում է AstraZeneca պատվաստանյութի գրեթե 600 հազար դոզա

Ուկրաինան ոչնչացնում է AstraZeneca  պատվաստանյութի գրեթե 600 հազար չափաբաժին, որոնք տարբեր պատճառներով դարձել են անպիտան ։ Այս մասին հունվարի 8-ին հայտնել է երկրի առողջապահության նախարարությունը։ Փոխանցում է Iz.ru-ն։

«Հունվարի 5-ի դրությամբ AztraZeneca պատվաստանյութի 561,729 չափաբաժին, որը որպես մարդասիրական օգնություն ստացվել է այլ պետություններից, հավաքվել է  պահեստներում և կհանձնվի ոչնչացման մասնագիտացված կազմակերպությանը»,- ասվում է հաղորդագրությունում։

Հստակեցվում է, որ այդ դեղերի պիտանելիության ժամկետը լրացել է։

Սեպտեմբերի վերջին հաղորդվել էր, որ Ուկրաինայում Pfizer-ի պատվաստանյութի ավելի քան 34000 չափաբաժին է ոչնչացվում պահպանման ռեժիմի խախտման պատճառով։

Դեկտեմբերի 30-ին ԳԱԱ Բջջային կենսաբանության Լվովի ինստիտուտի ղեկավար, ակադեմիկոս Անդրեյ Սիբիրնին ասել է, որ ուկրաինական իշխանությունների հետաքրքրության բացակայությունը սեփական պատվաստանյութի մշակման հարցում ստիպել է գիտնականներին ընդհատել այդ աշխատանքը: Նրա խոսքով, «նախագահը և վարչապետն այց հարցում շահագրգիռ էին, երբ շուկայում քիչ պատվաստանյութեր կային։ Այժմ պատվաստանյութերը շատ են։ Դրա նկատմամբ հետաքրքրություն չկա»։ Գիտնականը հավելել է նաև, որ իր դերն է ունեցել նաև ֆինանսավորման խնդիրը. հետազոտությունների փուլերից մեկը պետք է կատարվեր Լեհաստանում, քանի որ ուկրաինական լաբորատորիաները չունեն անհրաժեշտ ռեսուրսներ։