Անվանվել է օմիկրոն շտամի ամենավաղ ախտանիշը
Ուշադրության կենտրոնումԱռանց պատճառի ձայնի խռպոտությունը կարող է ազդարարել կորոնավիրուսի օմիկրոն շտամով վարակված լինելու մասին, փոխանցում է РИА Новости գործակալությունը։ Ըստ Հարավաֆրիկյան Հանրապետության խոշորագույն մասնավոր բժշկական ապահովագրական ընկերության՝ Discovery Health-ի գործադիր տնօրեն Ռեյն Ռոչիի՝ այս ախտանիշը կարող է ի հայտ գալ, նույնիսկ նախքան հիվանդի մոտ կհայտնվեն հիվանդության առաջին նշանները։
Շատ դեպքերում ձայնի խռպոտությունն ուղեկցվում է խզվածությամբ, այլ ոչ թե կոկորդի ցավով, որը բնորոշ է դելտա տարբերակին: Օմիկրոն շտամով վարակման նշանները ներառում են նաև քթի լցվածություն, չոր հազ և ցավ գոտկային հատվածում:
SARS-CoV-2-ի նոր տարբերակն առաջին անգամ հայտնաբերվել է Բոտսվանայում և Հարավային Աֆրիկայում նոյեմբերի վերջին: Այն պարունակում է S-սպիտակուցի տասնյակ մուտացիաներ, որոնք պաթոգենին անհրաժեշտ են բջիջները վարակելու համար: Ըստ նախնական տվյալների՝ այն զարգացել է թուլացած իմունային համակարգ ունեցող մարդու մոտ՝ հավանաբար ՄԻԱՎ-ով վարակված:
Առողջապահության համաշխարհային կազմակերպությունը B.1.1.529-ը ճանաչել է որպես «մտահոգություն առաջացնող» և այն անվանել «omicron»՝ հունարեն այբուբենի 15-րդ տառի անվանմամբ:
1
2
3
4
5
1
2
3
4
5
1
3
4
