Սոցիալական ծանր վիճակից բողոքել պետք չի, ձեզ հնարավորություն տրվել էր, ուղղակի պետք էր կանգնել ԲՀԿ-ի կողքին

Ոչ վաղ անցյալում Ազգային ժողովի արտահերթ ընտրություններ էին, կարծում եմ շատերդ եք հիշում , կհիշեք նաև ընտրություններին մասնակցող քաղաքական ուժերի խոստումները` իշխանություն դառնալու և (կամ) Ազգային ժողով անցնելու դեպքում... կատարվեցի՞ն այդ խոստումները, իհարկե ո՛չ։

Ինչ տեղի է ունենում մեր երկրում, դա ձեր իսկ ցանկությունն է հարգելի քաղաքացիներ, ինչի՞ց կամ ու՞մից եք բողոքում։

Նոր Ամերիկա չեմ բացահայտի, երբ հիշեցնեմ այն մասին, թե ինչ էր ասում պարոն Ծառուկյանը դեռ երեք տարի առաջ, երբ Բարգավաճ Հայաստան կուսակցությունը պահանջեց կառավարության հրաժարականը, մի շարք պատճառներ բերելով. տնտեսության անկում, անգրագետ կառավարում, Արցախի հարցում մի շարք բացթողումներ, ընդ որում պարոն Ծառուկյանը նշեց, որ այս իրավիճակի շարունակությունը բերելու է Արցախի կորստի։ Կարիք կա՞ ասեմ ինչ եղավ այդ ամենից հետո։ Քաղաքական հետապնդումներ, ինչը չարյաց փոքրագույնն էր։ Ցավոք այդպես էլ եղավ,մեր երկիրը հայտնվեց պատերազմում և կորցրեցինք Արցախը և ավելի քան հինգ հազար զոհ ունեցանք։

Պետք էր ուղղակի կանգնել պարոն Ծառուկյանի կողքին և երկիրը հանել այս ծանր իրավիճակից։ Այս ամբողջ տարիների ընթացքում պարոն Ծառուկյանը ապացուցել է, այն ոլորտները որոնք վստեհվել է իրեն` դրանք ուղղակի հզորացել և զարգացել են։ Նույն կերպ զարգանալու էր և երկիրը։ Չցանկացաք։ Էնպես որ մի բողոքեք ձեր ծանր սոցիալական վիճակից, օրեցոր թանկացող ապրանքներից ու ինչն ամենակարևորն է երկրի անվտանգությունից։