Մենք ունե՞նք գյուղեր, որոնք հայտնվել են շրջափակման մեջ. Փաշինյանը`Սանոսյանին
ՔաղաքականությունՆիկոլ Փաշինյանն այսօր կառավարության նիստին հայտարարեց, թե մամուլում տեղեկություններ են շրջանառվում, որ Սյունիքի մարզերում կան գյուղեր, որոնք հայտնվել են շրջափակման մեջ: Ապա դիմեց տարածքային կառավարման և ենթակառուցվածքների նախարար Գնել Սանոսյանին` հարցնելով. «Մենք ունե՞նք գյուղեր, որոնք գտնվում են շրջափակման մեջ, եթե չունենք, որտեղի՞ց են մամուլում ամեն օր շրջանառվում, որ մենք ունենք այդպիսի գյուղեր»:
Սանոսյանն ասաց` փաստացի մենք ունենք յոթ ճանապարհ, որոնց մասին խոսում ենք, դրանցից մեկը Տաթև-Աղվանին է, որն արդեն երթևեկելի է: Ապա խոսեց մյուս վեց հատվածների մասին` նշելով, որ այդ ճանապարհներում այս պահին աշխատանքներ են ընթանում, իհարկե, որոշ հատվածներում դժվարություններ կան դեռ:
Ապա նշեց, որ իրենք կառուցելու են Կապան-Ճակատեն ճանապարհը, որով անցնելը ավելի հեշտ ու մատչելի կլինի, նաև կառուցելու են Տաթև-Լծեն ճանապարհը:
Նիկոլ Փաշինյանն էլ ավելացրեց, թե գյուղերի ճանապարհները և Տաթև-Լծեն ճանապարհը 2022 թվականին ամբողջությամբ պատրաստ կլինեն: Նաև Տաթևով ճանապարհի համար հատուկ բեռնատարների համար 5 կմ երկարությամբ նոր ճանապարհ կկառուցեն, որ բեռնատարները գյուղական ճանապարհով չանցնեն, հատկապես, որ այնտեղ մի հատված կա, որ շատ նեղ է բեռնատարների համար:
Ապա արձանագրեց, որ չկան բնակավայրեր, որոնք կենսապահովման խնդիր ունենան, Սանոսյանն էլ հաստատեց իր ղեկավարի ասածը:
1
2
3
4
5
1
2
3
4
5
3
