Կաթնառատ. Անարատ և բնական կարագ Ձեր ընտանիքի առողջության համար

Արձակուրդից հետո սկսվող աշխատանքային և ուսումնական թեժ ժամանակը մեզանից պահանջում է մեծ ուժ ու էներգիա, որն ամբողջ օրվա համար ապահովելու համար անհրաժեշտ է լավ նախաճաշել: Իսկ նախաճաշի կարևոր ու օգտակար բաղադրիչ է եղել և մնում կարագը, որով պատրաստված բուտերբորդները ապահովում են էներգիայի այն պաշարը, որը մեզ անհրաժեշտ է օրվա ընթացքում արդյունավետ աշխատանքի և ուսումնառության համար: Բայց որպեսզի նախաճաշն իրոք լինի օգտակար ու էներգաշատ, պետք է ընտրել անարատ սերուցքային կարագ կամ քաղցր նախաճաշը նախընտրողների դեպքում՝ շոկոլադային կարագ: Շատ հայ ընտանիքներ կատարել են իրենց ընտրությունը հօգուտ «Կաթնառատ» ընկերության սերուցքային ու շոկոլադային կարագների: Ո՞րն է այս կարագի առանձնահատկությունը և որակի գրավականը. ներկայացնում է «Կաթնառատ» ընկերության որակի վերահսկողության բաժնի ղեկավար Հասմիկ Թարզյանը:

Բարձր խոլեստերինը և նրանով պայմանավորված քրոնիկ հիվանդությունները 21-րդ դարի գերխնդիրներից են: Եվ դա է պատճառը, որ կարագը՝ որպես ճարպերով հարուստ մթերք, որը գիրացնում է, ավելացնում խոլեստերինը օրգանիզմում, դուրս եկավ շատերի սննդակարգից: Բայց գիտնականներն ապացուցել են, որ  այդ մտավախությունն անհիմն է, ավելին նշում են, թե ինչքան է տուժում մարդու օրգանիզմը, երբ հրաժարվում է կարագից:   «Կարագի մասին այդ պատկերացումները, թե կարագը վտանգավոր է, խոլեստերինի բուն է և այլն, չափազանցված են, ավելին այն պարունակում է մեր օրգանիզմի համար անհրաժեշտ բազմաթիվ օգտակար նյութեր»: «Կաթնառատ» ընկերության որակի վերահսկողության բաժնի ղեկավար Հասմիկ Թարզյանը նշում է այդ օգտակար նյութերից մի քանիսը , A, D, E, PP, B խմբի տարբեր վիտամիններ, որոնք անհրաժեշտ են մաշկի, մազերի, եղունգների, մկանների, ոսկորների և ներքին օրգանների առողջության համար, կարագաթթու, որը ոչ միայն բարելավում է օրգանիզմի ընդհանուր վիճակը, և աղիների աշխատանքը, կարգավորում մարսողական համակարգը, բարձրացնում իմունիտետը, այլև հայտնի է իր հակականցերոգեն նշանակությամբ, սելեն, որը հզոր հակաօքսիդանտ է, նաև հարստացնում է մեր օրգանիզմը յոդով և այլն: Միևնույն ժամանակ մասնագետը նշում է՝ որպեսզի այս օգտակար նյութերը մեր օրգանիզմը ստանա, պետք է իսկական անարատ սերուցքային կարագ գնել: Հաճախ է պատահում, որ մարդիկ «սերուցքային կարագ» անվան տակ գնում են սփրեդ կամ մարգարին: Գնելիս պետք է ուշադիր լինել մակնշումների հանդեպ: Իսկական անարատ կարագը պետք է պատրաստված լինի կովի կաթից: Միայն այդ դեպքում մենք կարագից առավելագույն օգուտ կստանանք՝ բարձրացնելով մեր դիմադրողականությունը և օրգանիզմը համալրելով կարևոր վիտամինների պաշարով:

«Կաթնառատը» պատրաստվում է անարատ սերուցքային կարագի միջազգային նորմերին համապատասխան գերմանական նորագույն տեխնոլոգիաներով և ունի որակային ու համային բարձր հատկություններ: Մենք առաջարկում ենք նաև շոկոլադե կարագ, կրկին պատրաստված անարատ կաթից և բարձրորակ կակաոյից: Մենք առաջարկում ենք այնպիսի կարագ, որը վստահորեն կարող եք օգտագործել ձեր առօրյա սննդակարգում՝ համոզված լինելով, որ դրանով ապահովում եք նաև Ձեր ու Ձեր ընտանիքի առողջությունը»,-ասում է Հ. Թարզյանը:

Առանց կարագի դժվար է պատկերացնել մեր նախաճաշի բուտերբորդները, ընտանեկան և տոնական  միջոցառումներին պատրաստվող խմորեղենները: «Կաթնառատի» արտադրանքը՝ թե՛ սերուցքային, թե՛ շոկոլադե կարագը, նախընտրում են նաև խմորեղենի արտադրամասերը: Այս կարագն իր բարձր որակի շնորհիվ ապահովում է թխվածքների հաճելի համն ու տեսքը, իսկ շոկոլադե կարագը պարզապես կարող է փոխարինել կրեմին՝ օգնելով տնային տնտեսուհին արագ ու հեշտ պատրաստել համեղ տորթիկներ:

Նախաճաշ թե տոնական համեղություններ պատրաստելիս «Կաթնառատ» սերուցքային կարագը անփոխարինելի է իր որակային բարձր հատկանիշների շնորհիվ: