Կյանքից հեռացել է ՀՀ վաստակավոր արտիստ Գևորգ Չեփչյանը
Ուշադրության կենտրոնում
Կյանքից հեռացել է ՀՀ վաստակավոր արտիստ Գևորգ Չեպչյանը: Ինչպես «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից, Գևորգ Չեպչյանի հոգեհանգիստը տեղի կունենա հունվարի 13-ին` ժամը 18.00-ին (հասցե՝ Տիգրան Մեծ պողոտա, շենք 12, բն.4), վերջին հրաժեշտը` Գ. Սունդուկյանի անվան ազգային ակադեմիական թատրոնում` հունվարի 14-ին` ժամը 12:00-14.00-ն: Հուղարկավորությունը տեղի կունենա նույն օրը` Երևանի կենտրոնական գերեզմանատանը (Թոխմախ):
Գևորգ Չեպչյանը ծնվել է 1927 թվականի դեկտեմբերի 10-ին, Դոնի Ռոստով քաղաքում: 1948 թվականին ավարտել է Երևանի գեղարվեստաթատերական ինստիտուտի Վարդան Աճեմյանի ղեկավարած կուրսը: 1948 թվականին աշխատել է Երևանի Հակոբ Պարոնյանի անվան երաժշտական կոմեդիայի թատրոնում, այնուհետև` Պատանի հանդիսատեսի թատրոնում: 1954 թվականից մինչ օրս աշխատել է Գ. Սունդուկյանի անվան ազգային ակադեմիական թատրոնում: 1971 թվականին արժանացել է ՀՍՍՀ վաստակավոր արտիստի կոչման: Հեղինակ է Վարդան Աճեմյանին նվիրված երկու գրքի: Դասավանդել է Խ. Աբովյա նի անվան մանկավարժական ինստիտուտի կուլտուրայի ֆակուլտետի ռեժիսուրայի բաժնում: Հանդես է եկել բազմաթիվ դերերով` հայ թատրոնի տարբեր բեմերում, նկարահանվել բազմաթիվ ֆիլմերում:
1
2
3
4
5
1
2
3
4
5
1
2
3
4
5
