Արցախի զորամասերից արձակուրդ եկած զինվորներին արգելում են նորից մուտք գործել Արցախ
Ուշադրության կենտրոնումԵրեկ ՀՀ քննչական կոմիտեն հաղորդագրություն տարածեց, ըստ որի՝ ՀՀ տարբեր զորամասերի ժամկետային երկու զինծառայող իրենց տրամադրված հերթական արձակուրդի ժամկետը լրանալուց հետո հայտարարել են, որ չեն ցանկանում վերադառնալ իրենց ծառայության վայրեր և հրաժարվել են զինվորական ծառայության առանձին պարտականությունները կատարելուց, որը զուգորդվել է դրանց չկատարմամբ:
Դեպքի առթիվ հարուցվել է քրեական գործ, և զինծառայողները ձերբակալվել են:
Նկատենք, որ եթե այս երկու զինծառայողը չեն ցանկացել այլևս վերադառնալ ծառայության վայր, ինչը, հավանաբար, պայմանավորված է հետպատերազմյան իրավիճակով, ապա կան նաև դեպքեր, երբ Արցախում ծառայող զինվորները եկել են Հայաստան՝ արձակուրդ, և արձակուրդի ժամկետը լրանալուց հետո, երբ ցանկացել են նորից վերադառնալ Արցախի իրենց զորամաս՝ ծառայության, չեն կարողացել: Նման դեպքի մասին լսեցինք օրեր առաջ, երբ զինվորի հայրն էր դժգոհում, որ արձակուրդ եկած որդուն թույլ չեն տվել հատել Արցախի սահմանն ու վերադառնալ իր զորամաս:
Զինծառայողը ռուս սահմանապահներին ցույց է տվել իր զինգրքույկը, որից պարզ է դարձել, որ նա զինվոր է, ոչ թե քաղաքացիական անձ, և արգելել են մտնել Արցախ:
Մինչդեռ, անձնագրով կարող էր ազատ մուտք գործել: Զինծառայողի ջանքերը՝ հասկանալու, թե ինչու են իրեն արգելում վերադառնալ իր ծառայության վայր, ապարդյուն է անցել: Ու քանի որ նա չէր ցանկանում խուսափել ծառայությունից, նրան զիմկոմիսարիատից ուղարկել են արդեն Հայաստանի զորամասերից մեկում ծառայության:
Ավելին՝ այստեղ
1
2
3
4
5
1
2
3
4
5
3
