Դեսպան Ղազարյանը Վարշավայի համալսարանում Հայաստանի մասին զեկույց է ներկայացրել
Header
Վարշավայի համալսարանի Արևելագիտության ֆակուլտետի կողմից հունվարի 11-ին կազմակերպվել է ուսանողների, ինչպես նաև պրոֆեսորադասախոսական կազմի տարվա առաջին հանդիպումը Լեհաստանում հավատարմագրված օտարերկրյա առաքելությունների ներկայացուցիչների հետ: Միջոցառմանը բացման խոսքով հանդես է եկել Վարշավայի համալսարանի պրոռեկտոր, պրոֆեսոր Ալոյզի Զ.Նովակը և Արևելագիտության ֆակուլտետի դեկան, պրոֆեսոր Յոլանտա Շիերակովսկա-Դինդոն: Հանդիպմանը մասնակցող Լեհաստանում ՀՀ դեսպան Էդգար Ղազարյանը հանդես է եկել Հայաստանի մասին համառոտ զեկույցով:
Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից, իր խոսքում նա անդրադարձել է հայ ժողովրդի հազարամյա պատմությանը, քրիստոնեական հարուստ ժառանգությանը, Օսմանյան կայսրությունում 100 տարի առաջ հայերի դեմ իրականացված ցեղասպանությանը, և դրա արդյունքում ձևավորված հայկական սփյուռքին: Դեսպանը ներկայացրել է նաև հայոց լեզվի և հայոց այբուբենի յուրահատկությունները՝ հորդորելով Արևելագիտության ֆակուլտետի ուսանողներին այցելե լ Հայաստան և իրենց ուսումնասիրություններում և հետագա կրթության մեջ առավել խորությամբ ծանոթանալ հայ ժողովրդի պատմությանը, մշակույթին և ժառանգությանը:
Հանդիպման շրջանակներում կազմակերպված ցուցադրության ժամանակ Լեհաստանում ՀՀ դեսպանությանը առանձին տաղավարներով ներկայացրել է Հայաստանի, Արցախի, Հայոց ցեղասպանության մասին գրականություն, ինչպես նաև կազմակերպել հայկական ուտեստների հյուրասիրություն, որում առանձնահատուկ տեղ է զբաղեցրել 2014թ.-ին ՅՈՒՆԵՍԿO-ի ոչ նյութական մշակութային ժառանգության ներկայացուցչական ցանկում ընդգրկված հայկական լավաշը:
1
2
3
4
5
1
2
3
1
2
3
5
