Պոդոլոգ. Մասնագետ, ում մոտ պետք չէ թաքցնել ախտահարված եղունգները

Եղունգների հետ կապված խնդիրներ ունենում են շատերը, իսկ բժիշկ-պոդոլոգի մասին գիտեն քչերը : Այնինչ հենց պոդոլոգն է, որ կարող է լուծել եղունգների խնդիրը մեկընդմիշը ու պրոֆեսիոնալ բարձր մակարդակում՝ առանց բացասական հետևանքների: Եղունգի ի՞նչ ախտահարումներ է բուժում մաշկաբան-պոդոլոգը և ի՞նչ լուծումներ առաջարկում . պատասխանում է բժիշկ Մուշեղ Մանուկյանը:

Պոդոլոգիան զբաղվում է եղունգների ախտահարումների (եղունգի դեֆորմացիաներ, ներաճ, սնկային ախտահարումներ, սնուցման խանգարումներ) բուժմամբ: Հայաստանում, չնայած նման խնդիրների տարածվածությանը, քչերը գիտեն այս մասնագիտության մասին ու չեն էլ ենթադրում, որ եղունգների խնդրի դեպքում ևս կարողեն դիմել բժշկի՝ պոդոլոգի: Ավելին, բժշկի էլ դիմում են այնպիսի ծայրահեղ դեպքերում, որ նախկինում պարտադիր եղունգի հեռացում էին կատարում:

 «Եղունգը ժամանակակից մեթոդները կիրառելու դեպքում պարտադիր չէ հեռացնել:Այսօր եղունգների բուժումը հնարավոր է առանց եղունգը վիրահատական ճանապարհով հեռացնելու, մի քանի օր հարկադիր տանը պառկելու և հետվիրահատական տարատեսակ հավանական բարդացումների: Բացի այդ վիրահատությունից հետո հավանականություն կա տվյալ ախտահարման կրկնվելուն: Ես կիրառում եմ արդիական բուժական մեթոդներ և եղունգների խնդիրների լուծման այլ եղանակներ, որոնց մասին դեռ քչերը գիտեն»,- ասում է մաշկաբան-պոդոլոգ Մուշեղ Մանուկյանը: Բժշկի առաջարկած մեթոդները ոչ վիրահատական են ու բացառում են եղունգի հեռացումը՝ անկախ ախտահարման աստիճանից:

Դրանք են՝ լազերոթերապիան (լազերի միջոցով իմպուլս է հաղորդվում եղունգի ախտահարված օջախին՝ նպաստելով դրա աստիճանական վերացմանը), պլազմոթերապիան (պլազման մարդու երակից վերցված սեփական արյունից անջատ շիճուկն է, որը ներարկվում է ախտահարված օջախում), արկադայի մեթոդը (ներաճած եղունգները բարձրացվում են և հատուկ նյութի կիրառմամբ աճի ամբողջ ընթացքում պահպանում են դիրքը), բժշկական մշակումը հատուկ սարքավորումներով և տեխնոլոգիաներով, հարեղնգային թմբիկի պլաստիկա (կոագուլյացիա), թիթեղների տեղադրում,  որի միջոցով կառավարվում է եղունգի աճի ճիշտ ուղղությունը, տամպոնադայի մեթոդ (օգտագործվում է բիոլոգիական տամպոններ, որոնք ունեն հակաբորբոքային հատկություն և իրենց առանձգականության շնորհիվ կանխում են ներաճը):

«Այս մեթոդների գլխավոր առավելությունն այն է, -պարզաբանում է բժիշկ Մուշեղ Մանուկյանը,- որ դրանց շնորհիվ մենք չենք հեռացնում եղունգը, ինչպես ընդունված էր մինչև հիմա: Բոլոր վերոնշյալ մեթոդները կիրառվում են առանց անզգայացման և կատարվում են անցավ,պրոցեդուրայից հետո պացիենտն իր ոտքով տուն է գնում: Այս մեթոդների շնորհիվ իրականացվում է կոմպլեքս բուժում, պահպանվում ու վերականգնվում է եղունգի կենսունակությունը»: Բժիշկը մանրամասնում է, թե որ խնդրի դեպքում որ մեթոդն է կիրառում :

Եթե պացիենտն ունի եղունգների դեֆորմացիա, տեղադրում է հատուկ թիթեղներ: Թիթեղները ապահովում են եղունգի աճի ուղղությունը ճիշտ այնպես, ինչպես ատամների աճի ուղղությունը շտկելու համար տեղադրվող բրեկետները: Կատարում է նաև բժշկական ապարատային մշակում հատուկ գործիքներով և եղունգների պլաստիկա:

 Սնկային հիվանդությունը, որը եղունգների հաճախ հանդիպող հիվանդություններից է, բուժում է մի քանի մեթոդների համադրությամբ: Նախ կատարում է բժշկական ապարատային մշակում, այնուհետև լազերոթերապիա, հարկ եղած դեպքում անում է նաև պլազմոթերապիա և դեղորայք է նշանակում: Գործընթացը տևում է մոտ 30 րոպե, անցավ է և առանց անզգայացման:

Անգամ եղունգների ներաճի դեպքում բժիշկը բացառում է վիրահատությունը: Մուշեղ Մանուկյանը կիրառում է տամպոնադայի մեթոդը. օգտագործում է բիոլոգիական տամպոններ, որոնք ունեն հակաբորբոքային հատկություն և իրենց առաձգականության շնորհիվ կանխում են ներաճը։ Նաև կիրառում է արկադայի մեթոդը, որը թույլ է տալիս լիարժեք վերականգնել եղունգի նախնական տեսքը: Ի դեպ Մուշեղ Մանուկյանը Հայաստանում այս մեթոդի առաջին ներդրողներից է: Խնդիր ունեցող մատը դրվում է սարքի մեջ և հատուկ, գործիքներով ձգում, որպեսզի չտեղաշարժվի: Այնուհետև հատուկ գործիքներով եղունգի խնդրային հատվածում կատարվում է ռեկոնստրուկցիա, որի ժամանակ եղունգը բարձրացվում է: Եղունգի կորացած հատվածը հատուկ նյութով է պատվում: Նյութը 6-8 ամիս կարող է մնալ եղունգին և ամրացնել այն:

Իսկ եղունգների սնուցման խանգարումների ժամանակ(օնիխոդիստրոֆիաներ), երբ եղունգները բարակում, շերտավորվում և ճաքեր են տալիս, եղունգի տակ օդ է հավաքվում, դիմում է պլազմոթերապիայի մեթոդին և 2-3 ամիս հետո լիովին վերականգնում եղունգների առողջ տեսքը:

Բժիշկ Մանուկյանը զբաղվում է նաև կրունկների ախտահարումների, կրկնկախիթի, կոշտուկների, գորտնուկների վերացմամբ ու քրտնարտադրության կարգավորմամբ: «Օրինակ՝ կրունկի ճաքերը, հայաստանյան կլիմայով պայմանավորված,բավական հաճախ հանդիպող խնդիր են, և ես առաջարկում եմ արդիական բուժում, որն արագ արդյունք է տալիս, կատարում եմ տեյպավորում, հատուկ նյութերով կպչուկներ են դրվում կրունկներին, հետո՝ կոսմետիկ խոնավացնող ու դեղորայքային միջոցներով կրունկը մշակվում է, և մեկընդմիշտ հրաժեշտ ենք տալիս ճաքերին:  Բավական տհաճ խնդիր է կրնկախիթը (շպոռաները), երբ կրունկի ոսկորն սկսում է աճել դեպի ներքև, իսկ մաշկը գնալով բարականում է: Վիրահատական միջամտությունը ցանկալի չէ: Ես կատարում եմ լազերաթերապիա՝ բորբոքային պրոցեսը հանգստացնելու համար,  ապա պլազմոթերապիա՝ հարակից հյուսվածքների բորբոքումը անցկացնելու համար: Ոտքերի և ձեռքերի կոշտուկները, գորտնուկները ևս կարելի է հեռացնել լազերային կամ կոագուլյացիայի եղանակներով, առանց անզգայացման ու անցավ: Ամեն դեպքում ես նախապատվությունը տալիս եմ ոչ վիրահատական արդիական մեթոդների կիրառմանը, որոնք ապահովում են արագ ու երկարատև արդյունք: Բավականին հաճախ դիմում են նաև մազաթափության համար, որ բուժում եմ պլազմոթերապիայի օգնությամբ: Այն առաջնահերթ կանխում է մազաթափությունը և նոսրացումը, եթե կա կիսամահացած մազային սոխուկներ, այն միանգամից վերականգնվում է»:

Մաշկաբան-պոդոլոգ Մուշեղ Մանուկյանի բուժման առավելությունն այն է, որ այն ոչ վիրահատական է, անցավ ու չի պահանջում անզգայացում ու եղունգի հեռացում: Ի դեպ բուժումը նաև մատչելի է ու հասանելի սոցիալական բոլոր խավերին: «Եղունգների, կոշտուկների և նման այլ խնդիրներ շատերն են ունենում, ցավոք, նրանք հաճախ դիմում են գեղեցկության սրահների աշխատողներին ու հաճախ ավելի խորացնում իրենց խնդիրները: Այնինչ դիմելով բժիշկ պոդոլոգի նրանք կարող են արագ,անցավ, առանց կտրվելու իրենց առօրյայից լիարժեք ազատվել իրենց անհանգստացնող խնդրից»,-եզրափակում է բժիշկը:

Մաշկաբան-պոդոլոգ Մուշեղ Մանուկյանը խորհրդատվություն ու բուժում իրականացնում է Պուշկինի 56/1 հասցեում՝ «Գոռմեդ» կլինիկայում: