Մեսին բարդ մրցաշրջան է ակնկալում «Բարսելոնայի» համար
Սպորտ
Ֆրանսիական ՊՍԺ-ի նորեկ Լիոնել Մեսին գնահատել է Մադրիդի «Ռեալի» ու իր նախկին ակումբ կատալոնական «Բարսեոնայի» հնարավորությունները նոր մրցաշրջանում: Արգենտինացի հարձակվողից առաջ ՊՍԺ-ին միացել էր նաև «Ռեալի» ավագ Սերխիո Ռամոսը:
«Կարծում եմ՝ «Բարսելոնայի» ու «Ռեալի» համար ծանր կլինի: Սակայն մի քանի տարուց նրանք կամրանան, իսկ մեծ աստղերը կվերադառնան իսպանական ֆուտբոլ: Յուրաքանչյուր լիգայում գլխավորը թիմերն են: «Բարսելոնոն» ու «Ռեալը» շարունակում են հանդես գալ Չեմպիոնների լիգայում: Այնտեղ կլինեն նաև «Աթլետիկոն», «Սևիլիան» ու «Վալենսիան»: Եթե նույնիսկ խաղացողները հեռանում են, թիմերը շարունակում են հանդես գալ այնտեղ: Լա Լիգան նախկինի պես ուժեղ է»,- Մեսիի խոսքը մեջբերում է El País-ը:
Հիշեցնենք, որ Լիոնել Մեսին օգոստոսի 10-ին փարիզյան ակումբի հետ կնքել է 2 տարվա պայմանագիր, որն ունի ևս մեկ տարով երկարաձգելու հնարավորություն:
34-ամյա ֆուտբոլիստի պայմանագիրը կատալոնական «Բարսելոնայի» հետ ավարտվել էր հուլիսի 1-ին, ինչից հետո նա ստացել էր ազատ գործակալի կարգավիճակ: Արգենտինացին 2005 թվականից էր հանդես գալիս «Բարսելոնայի» գլխավոր թիմում, որի կազմում անցկացրել է 778 հանդիպում, դարձել 672 գոլի ու 305 գոլային փոխանցման հեղինակ, նվաճել 35 տիտղոս:
1
2
3
4
5
1
2
3
5
2
