Հուսով եմ՝ կկարողանամ քայլել. Թամարա Գևորգյանի առաջին գրառումը սարսափելի պատահարից հետո

Օրեր առաջ ավտովթարի ենթարկված սիրված դերասանուհի Թամարա Գևորգյանն իր էջում գրում է. «Շնորհակալ եմ առողջականիս մասին հետաքրքրվող լրագրողներին, բայց հարցազրույցներ տալու ցանկություն իսկապես չունեմ… Պարզապես կասեմ, որ վաղը (այսօր) երրորդ վիրահատությունս կկատարվի և հույս ունեմ, որ ամեն բան հաջող ավարտ կունենա ու ժամանակի ընթացքում կրկին կքայլեմ… Շատ պլաններ կային, որոնք կիրականացնեմ թեկուզ անվասայլակով։

Շնորհակալ եմ ինձ սիրող ու ինձ համար լավը կամեցող բոլոր ծանոթ-անծանոթներին... Շնորհակալ եմ նաև այն մարդկանց, ովքեր նույնիսկ մարդու դժվար պահին չեն կարողանում իրենց չարությունը թաքցնել և հրապարակավ վատ մեկնաբանություններ են թողնում....

Դուք այս ընթացքում ինձ շատ օգնեցիք։

Հասկացա, որ ոտքս փրկել հնարավոր է, իսկ շատերի չարացած հոգիները՝ոչ։

Մի բան կասեմ միայն... Թող Աստված բոլորիդ առողջ պահի....»: