Ի՞նչ է Ձմեռ պապից խնդրել Սոս Ջանիբեկյանը

Tert.am-ը գրում է.

Դերասան Սոս Ջանիբեկյան այս տարի Ձմեռ պապից ոչինչ չէր ուզել, քանի որ, ըստ նրա, առանց այդ էլ նա շատ գործ ուներ անելու։

«Որոշեցի այս տարի իրեն հանգիստ թողնեմ, որովհետև առանց այն էլ աշխարհում խառը վիճակ է, ավելորդ բեռ չեմ ուզում լինել»,- Tert.am-ի հետ զրույցում ասաց նա։

Սոս Ջանիբեկյանը նշեց, որ Ամանորը դիմավորել է տանը՝ ընտանիքի հետ, իսկ այնուհետ դուրս եկել ընկերներին հանդիպելու։

Իսկ ինչ վերաբերում է ամանորյա պատրաստություններին, սովորաբար դերասանի աշխատանքը լինում է առևտուր անելը և խմիչքի ընտրությունը։ Հարցին, թե ծա՞նր աշխատանք է, Սոս Ջանիբեկյանը պատասխանեց, որ ավելի շատ հաճելի գործ է, քան ծանր։

Հարցին, թե հնարավորինս կրճատո՞ւմ է ծախսերը, թե՞ առատաձեռն է առևտուր անելիս, նա պատասխանեց․ «Նայած այդ տարվա սոցիալական վիճակին, որոշ ավանդական բաներ պարտադիր չէ, որ լինեն, բայց պարտադիր է «Մայրաքաղաքային» աղցանը, որովհետև դրա հետ է ասոցացվում Ամանորը»։

Իր ամանորյա բարեմաղթանքում դերասանը մաղթեց բոլորին ուրախ ու անհոգ տարի, իսկ ամենակարևորը՝ ժպիտով տարի։