Ինչ սպառնալիք է սպասվում Հայաստանին, ինչի մասին էր երեկ խոսում Պուտինը՝ պարզաբանում է թուրքագետը
Ուշադրության կենտրոնումԱյսօր մամուլի ասուլիսի ժամանակ թուրքագետ Ռուբեն Մելքոնյանը, խոսելով այն մասին, թե ինչ սպառնալիք կարող է լինել Թուրքիայի ու Ադրբեջանի կողմից Հայաստանի հանդեպ, հայտարարեց՝ կանխատեսվում է, որ մեզ հրամցվելու է պայմանագիր Հայաստանի ու Ադրբեջանի, Հայաստանի ու Թուրքիայի միջև, քանի որ բոլոր մնացած սցենարներն արդեն գործարկվել են՝ մեր տարածքների մեծ մասն օկուպացված են, ՀՀ-ն՝ որպես պետականություն, զավթված է, սահմաններն անարգված են, այստեղ գտնվում է ադրբեջանական բանակը, ինչը որևէ մեկը չի հերքում. «Մենք տեսնում ենք, թե ինչ դիրքորոշում ունեն Հայաստանի գործընկերները: Այս պարագայում միակ հավանական հաջորդ սպառնալիքը պայմանագիրն է, ինչը մեծագույն վտանգ է Հայաստանին»:
Մելքոնյանը հիշատակեց Պուտինի երեկվա խոսքերի մասին՝ ուղղված Նիկոլ Փաշինյանին, որ վերջինս ունի մեծագույն վստահություն իր ժողովրդի կողմից, ինչը պետք է գալու լուրջ լուծումների համար. «Ինչ լուրջ լուծում, որոշում կարող է լինել: Դա պայմանագիր է»:
Թուրքագետի խոսքերով, Ադրբեջանի հետ պայմանագիրը ենթադրելու է փոխադարձ սահմանների ճանաչում, ինչը մի քանի առումով է խնդրահարույց. «Հայաստանի ու Ադրբեջանի միջև սահմաններ որոշող միջազգային պայմանագիր երբեք չի եղել:
Հետևաբար նախ պետք է բանակցություններ լինեն, որի ընթացքում պետք է որոշվի սահմաններ ձևավորելու սկզբունքը: Այսօրվա սահմանը ԽՍՀՄ ներքին վարչատարածքային բաժանումն է: Ընդ որում, այդ երկիրը վաղուց գոյություն չունի: Հետևաբար նորմալ պետությունը պետք է նախ սկզբունքը հստակեցներ: Բայց քանի որ մենք կապիտուլացված ենք, անելու ենք այն, ինչ ներկայացնելու է Ադրբեջանը»,-ասաց նա՝ նշելով, որ կոնկրետ տարածքներ կարող են մնալ Ադրբեջանին:
Բացի դրանից, բանախոսի խոսքերով, այդ պայմանագրով փակվելու է նաև Արցախյան հարցը, քանի որ Հայաստանն ընդունելու է, որ Լաչինից այն կողմ Ադրբեջանն է․ «Ադրբեջանին Թուրքիան է սատարում, իսկ Ռուսաստանն այն վիճակում չէ, որ կարողանա կանխել սա: Ռուսաստանն ունի բազմաթիվ խնդիրներ, ցանկանալու է այս թեժազումը կանխել, նոր խնդիր չհրահրել: Թողնելու է, որ ամեն ինչ գնա իր հունով՝ ադրբեջանական հունով»:
«Այդ հունն ադրբեջանական-թուրքական հունն է, գնալու է այդ ուղղությամբ: Պետք է Ռուսաստանի նման մեծ գերտերությանը կարողանալ բացատրել, թե ինչ նշանակություն ունի տվյալ բլուրը և այլն»,-հավելեց նա:
«Որևէ օտար քո շահերի համար ավելի շահագրգռված չի լինելու, քան՝ դու ինքդ»,-նշեց նա:
1
2
3
4
5
1
2
4
5
1
2
3
4
