Խլոե Քարդաշյանը բացահայտել է իր արագ նիհարելու գաղտնիքը

31-ամյա “բիզնես֊վուման” և ֆոտոմոդել Խլոե Քարդաշյանը, ով միշտ իրեն համարում էր Քարդաշյանների ընտանիքի ամենագեր աղջիկը, օր֊օրի ակնհայտորեն կորցնում է քաշը։ Վերջերս հայտնի դարձան որոշ մանրամասներ նրա էֆեկտիվ դիետայի մասին։

Ամերիկյան New Beauty֊ին տված հարցազրույցում Խլոեն անկեղծացել է, ասելով, որ կյանքն առաջ չէր պատկերացնում առանց կաթնամթերքի։ Բայց խորհրդակցելով դիետոլոգի հետ, նա որոշել է ամբողջությամբ հրաժարվել դրանից։ Արդյունքում նա զգալի նիհարեց։

Խլոեն նշել է, որ շատ է սիրում հատկապես կաթ և պանիր, բայց երբ դադարեց դրանք օգտագործել, միանգամից զգաց տարբերությունը։ Աստղը հայտնել է, որ 1.5 ամսվա ընթացքում կորցրել է ավելի քան 5 կիլոգրամ։ Իհարկե, միայն դիետայով լուրջ արդյունքների դժվար է հասնել։ Այդ իսկ պատճառով Խլոեն պարբերաբար մարզվում է։

Հիշեցնենք, որ այս տարվա նոյեմբերին լույս տեսավ Խլոե Քարդաշյանի գիրքը, որը կրում էր բավականին համարձակ անուն՝ “Ուժեղներն ավելի լավ տեսք են ունենում մերկ վիճակում”։ Այս գրքում, որը ներկայացնում է աստղի կյանքի պատմությունը, բավականին մանրամասն պատմվում է Խլոեի երկար պայքարն ավելորդ քաշի դեմ։