Ինչ ունի-չունի ոստիկանապետը. Գեներալի կոչում ստացած Վահե Ղազարյանի ունեցվածքը
Ուշադրության կենտրոնումԱյսօր ՀՀ նախագահի հրամանագրով Ոստիկանության պետ Վահե Ղազարյանին շնորհվել է ոստիկանության գեներալ-մայորի կոչում:
Ղազարյանը 2020 թվականին ներկայացրած հայտարարագրով ունի երկու անշարժ գույք՝ անհատական բնակելի տունը` հողամասի վրա կառուցված, իր տնտեսական շինություններով և արտադրական նշանակության շինությունը (արդյունաբերական և գյուղատնտեսական արտադրությունների տեղակայման և նրանց մեջ տեխնոլոգիական սարքավորումների շահագործման համար անհրաժեշտ պայմաններն ապահովող շինությունը): Առաջինի դեպքում նա միանձնյա սեփականատեր է, երկրորդի՝ բաժնային: Անշարժ գույքերը գտնվում են Տավուշի մարզում՝ Գետահովիտում ու Իջևանում:
Շարժական գույք Ոստիկանապետը չունի, փոխառություններ՝ նույնպես:
Ոստիկանապետը չունի նաև ավանդներ ու թանկարժեք գույք:
Դրամական միջոցների բաժնից տեղեկանում ենք, որ բանկային հաշիվներն ու էլեկտրոնային հաշիվները դատարկ են:
Կանխիկ դրամական միջոցները տարվա սկզբում կազմել են 11 միլիոն դրամ ու 8,500 դոլար, տարվա վերջում՝ 10 միլիոն դրամ, 8,500 դոլար:
Ոստիկանապաետի եկամուտ եղել է միայն աշխատավարձից՝ 16,324,201 դրամ:
1
2
3
4
5
1
2
3
4
5
3
