«168.ժամ». «Երբ հաջողվում է բիզնեսի ձայնը հասցնել կառավարության ղեկավարին, ապա նվազագույնը, գոնե քննարկվում է»
Հասարակություն
«ՓՄՁ համագործակցության ասոցիացիայի» նախագահ Հակոբ Ավագյանը «168 ժամի» հետ զրույցում անդրադառնալով ՓՄՁ ոլորտում առկա խնդիրներին եւ դրանց կարգավորումներին, նշել է. «Փոքր բիզնեսի, մասնավորապես՝ նրանց մեծամասնություն կազմող առեւտրական գործունեություն ծավալողների համար տարին սկսվեց առկախված հարցով՝ արդեն երկու անգամ հետաձված եւ հանգուցալուծման սպասող շրջանառության հարկի փոփոխությունների խնդրով: Տեղային, իրավիճակային լուծումներ ունեցել ենք, բայց գլոբալ խնդիրների լուծում այս տարի, ցավոք, չարձանագրեցինք: 2015ը ավարտեցինք հարկային օրենսգրքի նախագծի «հայտնությամբ», որը պետք է ձեւավորված լիներ տարբեր բիզնես խմբերի հետ քննարկումների եւ համատեղ աշխատանքի շնորհիվ»:
Թերթի հարցին, թե առկա խնդիրները որքանո՞վ է հաջողվել լուծել, Հակոբ Ավագյանը պատասխանել է. «Բոլոր դեպքերում, երբ հաջողվում է բիզնեսի ձայնը ժամանակին հասցնել կառավարության ղեկավարին, ապա նվազագույնը, գոնե քննարկման առարկա են դառնում, իսկ հաճախ՝ նաեւ լուծումներ ստանում: Ինչպես, օրինակ, բազմաթիվ քննարկումների եւ փոփոխությունների արդյունքում կառավարությունը համաձայնեց հրաժարվել պարտադիր փաստաթղթավորման դրույթից, օծանելիք ներմուծողների համար դրոշմապիտակներ ստանալու նոր կարգ սահմանվեց, բոլորովին վերջերս նոր սերնդի ՀԴՄների տեղադրման հարցի հետաձգումը եւ այլն»:
Եկող տարվա սպասումների հետ կապված Հակոբ Ավագյանը նշել է. «Վիճակագիրները հուշել են, թե տնտեսության որ ճյուղերն են կաղում: Սպասումներ կունենք, եթե հենց տարվա սկզբից ականատես լինենք նոր գործելաոճի, առավել բաց երկխոսության համար, առավել կառուցողական նոր համակարգերի ներդրմամբ եւ այլն: Հույս ունեմ, որ սկսվող տարում ավելի կամային որոշումներ կընդունենք եւ տարիներ շարունակ բիզնեսին տանջող ֆունդամենտալ խնդիրներից գոնե մեկերկուսը կլուծենք»:
Մանրամասները՝ թերթի այսօրվա համարում:
1
2
3
4
5
1
2
3
4
5
1
2
3
4
5
