Նման տեմպով շարունակելու դեպքում 2016 թ.–ի ավարտին Թուրքիայի մասին կխոսեմ անցյալ ժամանակով

Կիլիկիա Հայաստանը ֆեյսբուքյան իր էջում գրում է .

 

Տարվա ամփոփում 2:

 

Անցնող տարին բավականին դժվարամարս էր Թուրքիայի համար: Հենց տարվա սկզբից ակնառու էր, որ Թուրքիայում թուրք-քրդական հակամարտությունը նոր որակական փոփխություն է կրել: Փետրվար ամսին PKK-ն Թուրքիայի հարավ-արևելյան շրջաններում մտցրեց լարվածություն, որը բերեց զանգվածային ռազմական բախումների, պարտիզանական հարձակումները վերածվեցին ավելի լուրջ բախումների: Անցնող տարում մի քանի անգամ տարբեր նահանգներում թեկուզ և կարճ ժամանակով, բայց հռչակվեցին քրդական ինքնավարություններ, որը նոր խոսք էր այս հակամարտության պատմության մեջ: Թուրքիայի ներքին քաղաքական կյանքը ևս հանդարտ չանցավ: Թուրքիան ստիպված եղավ երկու անգամ անցկացնել խորհրդարանական ընտրություններ՝ այդպես էլ գաղտնի պահելով ընտրությունների վրա ծախսված գումարի չափը: Էրդողան-Դավութօղլու ներքին հակասությունն իր գագաթնակետին հասավ արտահերթ ընտրություններին ԱԶԿ-ի պատգամավորական ցուցակը կազմելիս: Էրդողանը քաղաքական ապտակ հասցրեց Դավութօղլուն՝ Դավութօղլուի կողմից կազմված ցուցակից հանելով Դավութօղլուի մարդկանց: Թուրքիան արտաքին քաղաքականությունում ևս ձախողումների պակաս չունեցավ: Ասադին հեռացնելու մոլուցքով լցված՝ ակամայից հարաբերությունները վատացրեց Ռուսաստանի հետ, ընդհուպ այն հասցնելով պատերազմական վիճակի: Վատ հարաբերություննր հաստատեց Իրաքի և Իրանի հետ: 

 

Թուրքիայի տնտեսությունն ու արդյունաբերությունը զգալի վնասներ կրեցին տարվա երկրորդ կեսից: Նախ Թուրքիայի հարավ-արևելյան շրջաններում փակվեցին համարյա բոլոր հանքահորերը, քանի որ դրանք այլևս իրենցից վտանգ էին ներկայացնում ռազմական գործողությունների պատճառով, այնուհետև Ռուսաստանը, Իրանը կիրառեցին տնտեսական պատժամիջոցներ: Այսպիսով` Թուրքիան, եթե նման տեմպով շարժվի, 2016թ.-ին, ապա ես 2016թ.-ի վերջում, ամփոփիչ գրառման մեջ, Թուրքիայի մասին պետք է խոսեմ անցյալ ժամանակով:

 

Հ.Գ. Որքան հնարավոր էր կարճ կապեցի

 

Տարվա ամփոփում 1–ը` տես այստեղ (խմբ.)