Ադրբեջանցիները զենքերով սպառնացել են հայ հովիվներին․ նոր միջադեպ
Ուշադրության կենտրոնումՄերոնք, երբ մեր տարածքներում են լինում, ադրբեջանցիները ակտիվանում են, շան պես սկսում են հաչալ, թե դուրս եկեք այդ տարածքից։ Այս մասին ԼՈՒՐԵՐ․com-ի հետ զրույցում ասաց Տեղ խոշորացված համայնքի ղեկավար Ներսես Շադունցը։
Ըստ նրա` ադրբեջանցի զինվորականները փորձել են զենքերով սպառնալ հովիներին, սակայն վերջիններիս դիմադրության արդյունքում միջադեպը հարթվել է․ «Հովիվներին ես եմ զենք տվել, ինչո՞ւ պետք է նրանց մոտ զենք չլինի, թո՛ղ ինքնապաշտպանվեն։ Ամեն դեպքում ոչ մի երաշխիք չկա, որ նման դեպքերը չեն կրկնվի․ դրանք լինելու են, եղել են ու կլինեն։ Պետք է խելքներս գլուխներս հավաքենք, մեր բանակը զինենք»,-ասաց նա։
Շադունցն այն կարծիքին է, որ ամեն պահի իրավիճակը կարող է կտրուկ սրվել․ «Պետք է շատ աշխատել, զգոնությունը բարձր պահել։ Գիշերը գյուղի տղաները գնում են հերթապահության։ Փորձում ենք օգտակար լինել։ Ուզում ենք այնպես անել, որ ժողովուրդը գիշերը հանգիստ քնի»,- նշեց Շադունցը։
Մեր այն հարցին, թե այդ միջադեպից հետո արդյոք շարունակում են հովիվները այդ տարածքում գտնվել, Շադունցը պատասխանեց․ «Այդ տարածքները մեր արոտավայրերն են, մեր սահմանն է, ինչո՞ւ չպետք է գնանք այնտեղ, ո՛չ, շարունակում ենք գնալ»,- ասաց Տեղ խոշորացված համայնքի ղեկավարը։
Զվարթ Պետրոսյան
Ավելին՝ այստեղ
1
2
3
4
5
1
2
4
5
3
4
