Սերգեյ Սմբատյանն ավելորդ է համարում մեկնաբանել Գեղամ Գրիգորյանի իրականացրած փոփոխությունները
Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը չի պատկերացնում իրեն նվագախմբի թիմից դուրս: Այս մասին դեկտեմբերի 25-ին նշեց Սերգեյ Սմբատյանը` անդրադառնալով օպերային թատրոնի կառուցվածքային փոփոխություններին և լրատվամիջոցներում առկա քննարկումներին:
«Սա սկանդալ չի, որովհետև մենք սկանդալ ասելով ներկայացնում ենք երկու կողմերի բախում: Այս անգամ մեկ կողմի բախում է, չգիտենք որ կողմինն` ում հետ: Հայաստանում խնդիր կա, որ մենք չենք տարանջատում այն, ինչ կարելի է մտածել և ինչ հնչեցնել: Կառուցվածքային փոփոխություններ են եղել օպերային թատրոնում, որը ղեկավարում է հայազգի պարծանք Գեղամ Գրիգորյանը: Թատրոնն ունի ճիշտ սկզբունք, ես ինձ իրավունք չեմ վերապահի քննարկել այն մարդկանց որոշումը, ում նկատմամբ անհավանական հարգանք ունեմ»,-«Արմենպրես»-ի փոխանցմամբեց Սերգեյ Սմբատյանը:
Ավելի վաղ լրատվամիջոցներում լուրեր էին շրջանառվում, թե օպերային թատրոնի գլխավոր դիրիժոր է դառնալու հենց Սերգեյ Սմբատյանը:
«Եթե նման ցանկություն ունենամ, կարող եմ ասել, հնչեցնել, նույնիսկ նման կասկածն ինձ որպես անձի, երաժիշտի վիրավորում է: Երիտասարդական նվագախումբն ունի շատ անելիքներ, չեմ պատկերացնում, որ չլինեմ այդ թիմի մեջ»,-շեշտեց նա:
Սմբատյանի խոսքով` ինքն իրեն երբեք թույլ չի տվել մարդկանց անվան շուրջ բացասական կարծիք ստեղծել:
«Մաեստրո Գեղամ Գրիգորյանի որոշումը ես չեմ կարող քննարկել: Կարեն Դուրգարյանը շատ լավ դիրիժոր է և դրսում ունի միջազգային կարիերա»,-նշեց Սմբատյանը` հավելելով, որ վատ հարաբերությունների մեջ չէ Դուրգարյանի հետ և անձնական խնդիր չունի: «Իմ անունը պետք չէ շահարկել, ես ունեմ այդ իրավունքը»,-հավելեց նա:
Ալ. Սպենդիարյանի անվան օպերայի և բալետի ազգային ակադեմիական թատրոնում տեղի են ունեցել կառուցվածքային փոփոխություններ, որոնք միտված են բացառապես ստեղծագործական որակի բարձրացմանը: Փոփոխությունների առաջարկն արվել է թատրոնի գեղարվեստական ղեկավար Հայաստանի և Լիտվայի ժողովրդական արտիստ Գեղամ Գրիգորյանի կողմից, որը արժանացել է թատրոնի ղեկավարության հավանությանը: Կատարված կառուցվածքային փոփոխությունների արդյունքում կրճատվել է թատրոնի գլխավոր դիրիժորի և երաժշտական ղեկավարի հաստիքը, քանի որ թատրոնն արդեն ունի գեղարվեստական ղեկավար: Ալ. Սպենդիարյանի անվան օպերայի և բալետի ազգային ակադեմիական թատրոնում գլխավոր դիրիժորի հաստիք այլևս չի լինելու:
1
2
3
4
5
1
2
3
4
5
3
