Արմեն Խաչատրյանը ամեն գնով փորձում էր հերքել իրականությունը
Քաղաքականություն
ՀՀ կառավարությունը հերթական անգամ պաշտոնական ապատեղեկատվության տարածման մաստեր կլաս իրականացրեց` այս անգամ <<Իմ քայլը>> խմբակցության պատգամավոր Արմեն Խաչատրյանի միջոցով։
ԱԺ «Իմ քայլը» խմբակցության պատգամավոր Արմեն Խաչատրյանը ամեն գնով փորձում էր հերքել ադրբեջանական օգտատերերի կողմից տարածմած տեսանյութը։ Պատգամավորը մինչև ՊՆ-ի կողմից տեսանյութի հաստատվելը, ֆեյսբուքում մեկնաբանությունների միջոցով փորձում էր ամեն կերպ, մանիպուլացնել ժողովրդին և սուտ ու կեղծ տեղեկատվությունների միջոցով հերքել այդ տեսանյութի իսկությունը, չնայած որ ՊՆ-ն դեռևս ուսումնասիրությունները չէր ավարտել և վերջնական հայտարարություն չէր արել։ Սակայն ՊՆ-ն լրատվամիջոցների կողմից ներկայացված փաստերի ճնշման տակ ստիպված եղավ հաստատել այն, որ դեպքն իրականում տեղի է ունեցել 2021 թվականի մայիսի 17-ին, հայ-ադրբեջանական սահմանի արևելյան հատվածում:
Ո՞ւր են նայում «Իմ քայլի» պատգամավորները, արդյո՞ք դա է միայն իրենց իշխանությունը պահպանելու միջոցը․․․ամեն ինչ հերքել, կեղծել, անամոթաբար ստել, ամեն ինչի մեջ մեղադրել նախկիններին՝ չտեսնելով իրենց շատ ակնհայտ սխալներն ու ձախողումները։ Այն ինչ, պետք է տեսնել սեփական սխալները և շտկել այն, ոչ թե լկտիաբար և անամոթաբար հերքել ակնհայտն ու կոծկել ճշմարտությունը։
«Իմ քայլը» խմբակցության կողմից որդեգրված այս քաղաքականության շնորհիվ այսօր երկիրը հայտնվել է անդունդի եզրին և իշխանության գալուց հետո էլ նրանք ընդդիմադիր կեցվածքով, ամեն ինչի մեջ ուրիշներին մեղադրելով, երկրի ղեկը թողնելով բախտի քմահաճույքին, անհեռատես քայլերով և անվերջ ստերով, խոստումներով վտանգեցին մեր բոլորի անվտանգությունը, իսկ այսօր հեռանալու փոխարեն փորձում են ատամներով պահել իրենց իշխանությունը։
Սոնա Գիշյան
1
2
3
4
5
2
3
4
5
3
4
5
