Վարչարարությունը էապես բարելավել է․ Բաբկեն Թունյան
Քաղաքականություն
Վերջերս կառավարությունը ներկայացրեց 2021 թվականի ապրիլ ամսվա տնտեսական ցուցանիշները, որի համաձայն 2021 թվականի ապրիլին հավաքագրվել է ռեկորդային հարկային եկամուտ՝ 180 մլրդ դրամ։ ՀՀ ԱԺ տնտեսական հարցերի մշտական հանձնաժողովի նախագահ Բաբկեն Թունյանն անդրադառնալով այս ցուցանիշին ասել է, որ այդ ռեկորդային եկամուտները պայմանավորված են 2020 թվականին բիզնեսմեններին տրամադրված շահույթահարկի վճարի հետաձգման, գնաճի և ՊԵԿ-ի արդյունավետ աշխատանքի շնորհիվ․ «Ամենակարևոր գործոններից մեկը ՊԵԿ-ի իրականացրած լավ աշխատանքն է, այսինքն վարչարարությունը էապես բարելավել է ու եթե հաշվենք, թե այստեղ, որ գործոնը լավ դեր ունի, ապա կարծում եմ, որ ՊԵԿ-ի աշխատանքը այստեղ շատ կարևոր է եղել։ Այսինքն, ստվերից շատ գումար է դուրս եկել և դա շատ կարևոր է, որ այդ շրջանառության ծավալը ստվերից դուրս բերելու հարկային մուտքերը ավելացնելուն զուգահեռ` բիզնեսի կողմից խոշոր դժգոհություն չի առաջացել։ Այսինքն, չեն եղել մարդիկ, որ կարծում են, որ իրենց նկատմամբ անարդար են վարվել կամ հարկային տեռորի են ենթարկել և վիճակագրություն կա, թե ամեն ստուգումից, որ մասն է զրոյական։ Եվ որքան այդ ցուցանիշը ավելի ցածր է, այդքան կարող ենք բարձր գնահատել ՊԵԿ-ի աշխատանքը»։
Սոնա Գիշյան
1
2
3
4
5
1
2
3
4
5
