Նրբագեղության 7 դաս Քեյթ Միդլթոնից

Ոճաբանները և դիզայներները միանշանակ չեն վերաբերվում Քեյթ Միդլթոնի ոճին. ոմանք քննադատում են նրան ձանձրալի և շատ զգուշորեն ընտրված հագուստի համար, ոմանք գովում են նրա նրբագեղ և բարձրաշխարհիկ ոճը:

Ներկայացնում ենք Քեմբրիջի դքսուհու ոճի յոթ կանոնները.

1. Ընտրել դասական ոճի միաերանգ զգեստներ

Քեյթ Միդլթոնը միշտ չէ, որ եղել է ոճի մարմնավորում: Նրա ոճն ունեցել է զգալի զարգացում՝ հարմարավետ հագուստից մինչև նրբագեղ զգեստներ ու կիսաշրջազգեստներ: Այժմ Քեմբրիջի դքսուհին ավելի հաճախ ընտրում է դասական զգեստներ՝ նվազագույն ձևավոր դետալներով: Նա սիրում է մաքուր և պայծառ գույներ՝ կապույտի, կարմիրի, կանաչի, մանուշակագույնի բոլոր երանգները: Քեյթը շեշտը դնում է գույնի վրա, իսկ իր կերպարը միայն շահում է՝ զգեստը նայվում է պարզ և պայծառ:

2. Նախապատվություն տալ պատյան-զգեստներին և մատիտ կիսաշրջազգեստներին

Պաշտոնական միջոցառումների համար Քեյթն ընտրում է նրբաճաշակ և կանացի զգեստներ՝ վերնաշապիկի ու բաճկոնի համադրությամբ:

3. Համադրել թանկանոց հագուստը և ժողովրդավարական ապրանքանիշը

Միդլթոնին չի կարելի մեղադրել միայն թանկարժեք ապրանքանիշեր կրելու մեջ: Կարելի է անթերի տեսք ունենալ նաև հանրամատչելի հասանելիություն ունեցող բրենդային հագուստներով: Օրինակ, կարելի է գնել հասարակ  ծովային ոճի հագուստ: Ուսանողական տարիներից սկսած Քեյթը կարողանում է կրել հասարակ ջինսեր և ունենալ ոճային տեսք:

4. Զգուշորեն ընտրել հագուստը, բայց տեղյակ լինել վերջին տրենդների մասին

Կանոնակարգը բազում կանոններ է թելադրում դքսուհուն և Քեյթը զգուշությամբ է մոտենում հագուստի ընտրությանը: Սակայն նրա արտաքինից երևում է, որ տեղյակ է նորաձևության վերջին միտումներից: Օրինակ Dolce&Gabbana-ի սև ժանյակներով զգեստը միանշանակ թրենդային է, իսկ Քեյթը դրանում շատ կանացի է և նորաձև:

5. Կոկիկ վարսահարդարում

Չնայած, որ անփույթ սանրվածքներն են այժմ նորաձև, Քեյթը հետևում է իր ոճին և ամենուր հայտնվում է կոկիկ վարսահարդարմամբ: Այսպիսի պահպանողականությունը չի նշանակում սակայն, որ Միդլթոնն ընդհանրապես չի փոփոխում սանրվածքը՝ ամռանը նա բոլորին զարմացրել էր  երկարացված ճակատային մազափնջով:

6. Մինիմալիզմ աքսեսուարներում

Դքսուհին նախընտրում է նվազագույն քանակի աքսեսուարներ և մեծ զարդեր կրում է միայն հատուկենտ դեպքերում: Իր կերպարը նա ամբողջացնում է կոկիկ ականջողերով, պարզ ժամացույցով և գոտիով: Ինչպես ասում են Բրիտանիայում՝ less is more՝ քիչ նշանակում է շատ: Սովորաբար Քեյթը նախընտրում է փոքրիկ կլատչներ: Իսկ որոշ դեպքերում՝ գլխարկ:

7. Նավակ կոշիկ

Նավակ կոշիկներն իրապես դասական են: Հագնելով այս կոշիկները որևէ զգեստի հետ՝ դուք արդեն դառնում եք ավելի նրբագեղ և սլացիկ: Այս կոշիկները շեշտում են ոտքերի գեղեցկությունը, բայց, միաժամանակ, բավականին պահպանողական են: Քեյթն ամեն անգամ իր զգեստի հետ համապատասխան գույնի կոշիկ է ընտրում և միշտ ոճային տեսք ունի:

Աղբյուր՝ LADYNEWS.am