73 զինվորներին խաբելով տարել են Հադրութ, արդյունքում կա 67 զոհ ու 6 անհետ կորած. Ծնողները անուններ են տրամադրել. կա նաև Ջալալ Հարությունյանի անունը

Ես խորհրդարանում հանդիպել եմ Մարտունի 3-ի 7-րդ վաշտի զինծառայողների ծնողներից 73-ի հետ, ովքեր նամակ են փոխանցել ինձ ու խնդրել են բառացի կարդալ այն: Այս մասին ԱԺ-ում հայտարարությունների ժամաին ասաց Սոֆյա Հովսեփյանը:

Խոսքը վերաբերում է 67 զոհի ու 6 անհետ կորած զինծառայողների ծնողներին:

Նամակում գրված է, որ մինչև հոկտեմբեր 10-ը երեխաները գտնվել են Մարտունի 3-ում, մարտական դիրքերում, հետո Ջալալ Հարությունյանից հրաման է եկել, որ կոնկրետ այդ պոստերում հարձակում է սպասվում, խաբելով ասել են, որ տանում են ապահով վայր: Սակայն որոշումը եղել է կոնկրետ Հադրութ տեղափոխել, որը հանձնված է եղել հոկտեմբերի 9-ից, իսկ 73 հոգանոց վաշտը տեղափոխել են հոկտեմբերի 11-ին:

Ծնողները ԱԺ պատգամավորներից ու պետական մարմիններից պահանջում են գործը քննչական մարմիններից տեղափոխել ԱԱԾ-ի տիրույթ, կազմել քննչական խումբ ու զբաղվել այս դիտավորյալ սպանության բացահայտմամբ. «Մեր համոզմամբ պատասխանտուներն են Ջալալ Հարությունյանը, գնդի հրամանատար Գոռ Իշխանյանը, գումարտակի հրամանատար Մխիթար Ավանեսյանը, կորպուսի հրամանատար Կարեն Առուստամյանը, ՊԲ բանակի շտաբի պետ Կամո Վարդանյանը: Արդարացի լուծում չտալու դեպքում մենք՝ ծնողներս, պատասխանատու չենք մեր քայլերի համար»:

Պատգամավորն ասաց, որ այս դեպքով գործ է հարուցվել, սակայն ամեն ինչ շատ դանդաղ է արվում, ինչն էլ առաջացրել է ծնողների ցասումը:

Ավելին՝ այստեղ