«Ո՞ւմ եք ուզում խաբել». Մարուքյանը պնդում է՝ Վենետիկի հանձնաժողով ուղարկված և խորհրդարան բերված նախագծերը տարբեր են (Տեսանյութ)
ՔաղաքականությունԱԺ արտահերթ նիստում «Լուսավոր Հայաստան» խմբակցության ղեկավար Էդմոն Մարուքյանը հայտարարեց, որ ԱԺ ամբիոնից սուտ տեղեկություն է ներկայացվում:
« «Լուսավոր Հայաստանի» որևէ ծրագրում չկա գրված, որ մենք նման օրենսգրքի նախագիծ պետք է ընդունենք, այն ինչ-որ ասեցիք: Որքանով տեղյակ եմ, նաև ընդդիմադիր մյուս ֆրակցիայի ծրագրում չկա: Որտեղի՞ց եք էդ բաներն ամբիոնից ասում», - ասաց Մարուքյանը՝ բարձրաձայնելով, որ Վենետիկի հանձնաժողով է ուղարկվել այլ նախագիծ, բայց խորհրդարան է բերվել մեկ այլ նախագիծ:
«Ո՞ւմ եք ուզում խաբել», - հարց հնչեցրեց խմբակցության ղեկավարը:
Իմքայլական Վահագն Հովակիմյանն էլ ի պատասխան ասաց՝ հիմա, եթե նրանք այլ մոտեցում ունեն՝ իրենց իրավունքն է:
«Այն, ինչ-որ այս փոփոխությամբ առաջարկվում է, առկա է մեծ փաթեթում, այսինքն՝ այստեղ չկա որևէ նորություն, որը Վենետիկի հանձնաժողով չի ուղարկվել: Տարբերությունն ընդամենն այն է, որ մեծ փաթեթից որոշ կարգավորումներ ուղղակի ավելի շուտ են առաջարկվում ընդունել», - ասաց Հովակիմյանը:
Բայց Մարուքյանը շարունակեց պնդել, որ Վենետիկի հանձնաժողով ուղարկվել է նոր ԸՕ նախագիծ.
«Որքանո՞վ է ժողովրդավարական խաղի կանոնները խաղի ընթացքում փոխելը»:
«Պարո՛ն Մարուքյան, նոր ԸՕ նախագիծ գոյություն չունի, գոյություն ունի ԸՕ փոփոխություններ կատարելու մասին նախագիծ: Խաղի կանոններ չեն փոխվում: Ընդամենը ընտրակարգը պարզեցվում է», - պատասխանեց իմքայլական պատգամավորը:
1
2
3
4
5
1
2
4
5
1
2
3
4
5
