Տգիտությունն այս իշխանությունների մեջ չափ ու սահման չունի
Քաղաքականություն
Դավիթ Գալստյանին մեղադրանք է առաջադրվել, ըստ որի նա ՊՆ–ին է մատակարարել 1983-1986թթ. արտադրության հրանոթի անորակ արկեր, որոնցով հնարավոր չի եղել լուծել մարտական խնդիրներ, սակայն ՊՆ-ի կողմից ևս եղել են հայտարարություններ, որ այդ զենքերը անցել են փորձաքննություն և իրականում Դավիթ Գալստյանը գնել է այն զենքերը, որը ՊՆ-ն պատվիրել է գնել։
Այս թեմայով Pressmedia.am կայքը զրուցել է ռազմական փորձագետ Հայկ Նահապետյանի հետ։
Այն հարցին, թե առաջադրված մեղադրանքը արդյոք չի փաստում այն, որ ներկայից վարչապետը փորձում է ինչ-որ մեկին քավության նոխազ դարձնել և պարտության ողջ պատասխանատվությունը ուրիշի վրա թողնել, Հայկ Նահապետյանը պատասխանել է․
«Ես ամբողջովին համակարծիք եմ ձեր տված գնահատականին։ Այո, այս պարտությունը իրապես ունի հասցեատեր, հասցեատերը գործադիր իշխանության ղեկավարն է առաջին հերթին և իրեն գերագույն հրամանատար հռչակած անձը, որի իրավական հիմքերը նա չուներ, քանզի Հայաստանի Հանրապետության կառավարությունը ռազմական գործողությունների սկզբում ԱԺ-ի կողմից չէր ընդունվել որոշում, որ Հայաստանը գտնվում է պատերազմի մեջ, որից հետո ՄԱԿ-ում ՀՀ ներկայացուցիչը պետք է բարձրացներ ՄԱԿ-ի անվտանգության խորհուրդում ներկայացնելով, որ Հայաստանի դեմ ուղղված ագրեսիայում Հայաստանն իրավունք ունի ինքնապաշտպանության։ Սա է այն իրավական գործընթացը, որը ցանկացած երկրի նկատմամբ իրականացվում է։ Ագրեսիայի կամ պատերազմական գործողության դեպքում կարգը այդպիսին է։ Դրանից հետո, երբ ԱԺ-ն ընդուներ որոշում, որ Հայաստանը գտնվում է պատերազմի մեջ, գործող Սահմանադրության ժամանակ գործադիր իշխանության ղեկավարը կհամարվեր որպես գերագույն գլխավոր հրամանատար։ Գործողությունների այն շարանը, որը արել է Փաշինյան Նիկոլը, ցույց է տալիս այն, որ իրեն բերել և այդ աթոռին նստացրել են, բոլորին հայտնի է թուրք-ադրբեջանական տանդեմը և նրանց կուռատը՝ այդ պատերազմը 2018 թվականի իշխանության բռնազավթումը պլանավորած և իրագործած Մեծ Բրիտանիան, ի դեմս նրա արտաքին ռազմական հետախուզության դիմեցին։ Եվ այսպես, այո Նիկոլ Փաշինյանը փորձում է պատերազմի պարտության պատճառի մեղավորներին գտնել այլ օղակներում և ոչ առաջինը իր և իր կառավարության, որովհետև, երբ նա ասում էր, որ գլխավոր պատասխանատուն ինքն է, բայց ոչ գլխավոր մեղավորը այդ քայլով ինքը անում է հերթական մանիպուլիացիան կամ կեղծիքը։ Մեղավորության չափը որոշվում է պատասխանատվության չափով, ուղիղ համեմատական է, եթե դու ես ամբողջությամբ պատասխանատու որևիցե գործի համար և այդ գործը ձախողվում է, ապա առաջին և գլխավոր մեղավորը դու ես։ Սույն պարագայում մեր պարտությունը ուղղակիորեն Փաշինյան Նիկոլի և նրա վարչակազմի բոլոր օղակների պատասխանատվության չափն է և ես ձեզ հավատացնում եմ, որ կգա ժամանակը և այդ ժամանակը շատ հեռու չի, երբ նա իր վարչակազմով կանգնելու է դատարանի և արդարադատության առաջ։ Ուղղակի ցավոք սրտի մեր ժողովուրդը նյութապաշտության վիհի մեջ է հայտնվել և չի կարողանում իրավիճակը համարժեք գնահատել, խոսքս մի հատվածի մասին է և ժողովրդի մի մասն է այդպես գնահատում, իսկ մեծամասամբ այս ժողովուրդը համարժեք է գնահատում և շատ լավ գիտի, որ այդ ամենի պատասխանատուն Փաշինյան Նիկոլն է։ Լինի դա Հայաստան զենք ներկրելու, զենք-զինամթերքը ութսունականների որակելու, որը իրականությանը չի համապատասխանում այնքնաով, որքանով որ շատ երկրներ` այդ թվում և ՌԴ զինված ուժերը, ութսունականների զենք են կոչվում, բայց արտադրվել են շատ ավելի ուշ, ինչպես նաև նույն տարրական գիտելիքները, որը Նիկոլ Փաշինյանը կամ չգիտի, կամ կեղծում է, որը շատ յուրահատուկ է իր էությանը, իր բնույթին և իր աշխարհընկալմանը, Իսկանդերի մասին նա ասում է, որ ութսունականների զենք է և տգիտությունը այդ անձի և օրվա իշխանությունների մեջ չափ ու սահման չունի, Իսկանդեր զենքը իննսունականների վերջին էր, երբ ՌԴ ԶՈՒ-ն իր սպառազինության մեջ ներգրավված էր այդ զինատեսակը երկուհազարականների սկզբներին։ Այնպես որ, զոհասեղանին շատերն են դրվելու, նաև ԳՇ-ի շատ բարձրաստիճան սպաներ, ովքեր ստորագրել էին ԳՇ-ի հայտնի հայտարարությունը` պահանջելով Փաշինյան Նիկոլի և նրա կառավարության հրաժարականը։ Երբ Նիկոլ Փաշինյանը մի հայտարարություն է անում, դուք այն կարող եք շատ դյուրին կերպով գնահատել՝ նա անելու է տրամագծորեն հակառակը։ Երբ նա, ԳՇ բարձրաստիճան հրամկազմին, ղեկավար կազմին խոստացավ, որ պատերազմի նախաքննություն չի լինելու և որևէ մեկը չի պատժվելու, ապա դուք սպասեք, որ շատ արագ այդ գեներալների, պատասխանատուների նկատմամբ տասնյակներով, եթե ոչ հարյուրներով քրեական գործերի հարուցում, որովհետև քավության նոխազ, ըստ Նիկոլ Փաշինյանի, լինելու են նրանք, ոչ թե ինքը կամ իր կինը, կամ բունկերում հայտնված Սամվել Բաբայանը կամ այդ երկու անձանց հետ փոխկապակցված այլ անձիք»։
Սոնա Գիշյան
1
2
3
4
5
1
3
4
5
1
2
