«Ժողովրդավարեցնել զիված ուժերը»․ ամենավերջին բանը, որը կարելի է մտածել

Argumenti.ru-ն գրում է, որ Հայաստանում ձգձգված ճգնաժամ է: Ոմանք համոզված են, որ պատճառը վարչապետ Նիկոլ Փաշինյանի մեջ է: Նա լրագրող է, ակտիվիստ, հեղափոխական և, ընդհանուր առմամբ ինչ ուզում եք, բայց ոչ պետական գործիչ, իսկ նրա թիկունքում չարագործ Արևմուտքն է:

Հետաքրքիր պատկեր է ծավալվել Հայաստանում: Բոլորովին վերջերս Ադրբեջանի հետ պատերազմ է տեղի ունեցել Լեռնային Ղարաբաղի համար, և Հայաստանը պարտվել է: Պատճառները ծով են: Թե՛ ներքին, թե՛ արտաքին, բայց ... Վարչապետ Նիկոլ Փաշինյանը, որն ըստ էության ղեկավարում է թե կառավարությունը, թե բանակը, որոշում է կայացրել փոխել երկրի զինված ուժերի գլխավոր շտաբի պետ Օնիկ Գասպարյանին, քանի որ չի վստահում նրան: Բայց դա հեքիաթի վերջը չէ, Գասպարյանը դիմում է Վարչական դատարան և վերականգնվում պաշտոնում: Կարելի է ուրախանալ. դատարանները պաշտպանում են մարդկանց իշխողների կամայականություններից: Բայց այստեղ խոսքը կամայականությունը չեզոքացնելու մասին չէ: Սա ժողովրդավարության ինստիտուտների հաղթանակը հասցնում է աբսուրդի: Լավ է, երբ նրանք աշխատում են: Դատարանը կարո՞ղ է դեմ գնալ վարչապետին: Իհարկե։ Բայց վատ է, երբ վարչապետը չի կարող գլխավոր շտաբի պետ նշանակել պատերազմող երկրում: Ռազմական գործերում առանցքային է մեկ անձի հրամանատարության սկզբունքը, քանի որ մարտական գործողությունների ղեկավարումը, մարտավարությունն ու խնդիրները չեն լուծվում քվեարկությամբ:

Զինված ուժերը «ժողովրդականացնելը» վերջին բանն է: Հրամանները չեն քննարկվում: Դրանք կատարվում են: Դուր չի՞ գալիս՝ վերընտրեք նախագահին, վարչապետին, խորհրդարանը ... Բայց ղեկավարը պետք է որոշի, թե ով է գլխավորելու Գլխավոր շտաբը, ով ոչ: Եվ հիմա տեսանելի է համակարգային սխալ: Սխալ, որն արդեն թանկ է նստել հայերի վրա ...։

Արմեն Մուրադյան

Pressmedia.am