Փաշինյանի խաղը․ կանխիկ փողով մի քանի ինքնաթիռ է իջել Երևանում

Tsargrad.tv-ն գրում է, որ Հայաստանը գտնվում է հեղաշրջման եզրին այն բանից հետո, երբ զինվորականները դուրս են եկել Նիկոլ Փաշինյանի դեմ: Այնուամենայնիվ, քաղաքագետ Ռաֆայել Օրդուխանյանը այն կարծիքին է, որ վարչապետին էլ հաջողվել է իր կողմը գրավել անվտանգության ուժերի մի մասին: Եվ դրա պատճառը փողի ներարկումներն են, քանի որ, ըստ աղբյուրների, «կանխիկ դրամով մի քանի ինքնաթիռներ են վայրէջք կատարել Երևանում»:

Ինչպես գիտեք, Գլխավոր շտաբը մտադիր չէ համակերպվել այն փաստի հետ, որ Փաշինյանը դեռ իշխանություն է, բանակը հրաժարական է պահանջում: Փաշինյանն ինքը ասում է, որ ինքը ոչ մի տեղ չի գնա, և շարունակում է ուժեր հավաքել:

Օրդուխանյանը կարծում է, որ Փաշինյանն իրականում սեփական կամքով չի թողնի իր պաշտոնը։ «Դժվար թե նա այդքան համարձակություն ունենա»,- ասել է նա tsargrad.tv-ի եթերում,- փաստն այն է, որ կա հասարակության որոշակի հատված, որը սատարում է Նիկոլ Փաշինյանին: Այդ հատվածը հավատարիմ է նեոլիբերալ պայմանական ցուցումներին, չնայած ես համոզված եմ որ այդ մարդիկ դեռ պատրաստ չեն սատարել նման քաղաքական սնանկ վարչապետին: Եվ Նիկոլ Փաշինյանի կազմակերպած շարժման մեջ արդեն պառակտում է տեղի ունենում: Նախկին նախագահ Լևոն Տեր-Պետրոսյանի կողմնակիցները ևս այս կամ այն կերպ հայտարարում են իրենց մասին և անգամ դեմ են արտահայտվում Փաշինյանի գործողություններին, չնայած դեռ աջակցում են նրան»:

Այնուամենայնիվ, Օրդուխանյանին անհանգստացնում է մեկ այլ գործոն. «Փաստն այն է, որ այժմ ուժային կառույցները ՝ ՆԳՆ-ն, անցել են Փաշինյանի կողմը, և դա ուղղակի հետևանք է այն փաստի, որ այդ կառույցներում խոշոր դրամական ներարկումներ են տեղի ունենում: Այսինքն ՝ այդ մարդիկ այժմ ստանում են լրացուցիչ հսկայական միջոցներ: Որտեղի՞ց այդ միջոցները: Չստուգված տեղեկատվության համաձայն, բայց իմ գործընկերներից երկուսը հայտնել են, որ կանխիկ դրամով մի քանի ինքնաթիռ է վայրէջք կատարել Երևանում: Բացի այդ, հարցեր կան հիմնադրամի վերաբերյալ, որը կազմակերպվել էր Ղարաբաղում զինվորականներին աջակցելու դրամահավաք: Եվ այս ֆոնդում հիմա միլիոնավոր դոլարներ են, որոնք հայերը հավաքել են աշխարհով մեկ: Կա նաև հետաքննություն, քանի որ տեղեկություններ կան, որ այնտեղից փողերը սահուն կերպով մտել են ՀՀ կառավարության այնպիսի բյուջետային կառույցներ, որոնք գլխավորվում են Փաշինյանի կողմից»:

Օրդուխանյանը զուգահեռ է անցկացրեել մի ժամանակ Իտալիայում տեղի ունեցածի հետ, երբ ամերիկացիները նույնպես ինքնաթիռներով փող են տարել այնտեղ «միայն թե կոմունիստները իշխանության չգան»: «Մենք պետք է ուշադիր հետևենք գիտակցելով, որ ամերիկացիները ֆինանսապես, և գուցե այլ կերպ, ազդելու են, որ իշխանությունը մնա Փաշինյանի մոտ», - ընդգծել է փորձագետը:


Արմինե Սահակյան

Pressmedia.am