Գերաշնորհ Սվյատոսլավը Գրիգոր Նարեկացուն անվանել է էկումենիզմի խորհրդանիշ հայերի և կաթոլիկ եկեղեցու միջև

Fraza.com-ը գրում է, որ հայ բանաստեղծ, վանական, աստվածաբան, փիլիսոփա և միստիկ Սուրբ Գրիգոր Նարեկացին, շնորհիվ արևելյան քրիստոնեական մտքի ձևավորման մեջ իր ներդրման, արդարացիորեն համարվում է հայ ժողովրդի հերոսական, գրեթե հիմնական դեմքերից մեկը: Այս մասին AnalitikaUA.net-ին տված հարցազրույցում ասել է Ուկրաինայի Հունական կաթոլիկ եկեղեցու առաջնորդ գերաշնորհ Սվյատոսլավը:

ՈւՀԿԵ-ի ղեկավարը նշել է, որ գրականության մեջ Նարեկացին համեմատվում է Դանթե Ալիգիերիի հետ և համարվում է Արևելքի և Արևմուտքի միասնության կամուրջ: Ըստ նրա, Սուրբ Գրիգոր Նարեկացին մեծ նշանակություն ունի Սուրբ Աթոռի հետ Հայաստանի եկեղեցական-դիվանագիտական հարաբերություններում: «Հայ ժողովրդի համար Սուրբ Գրեգորն անձեռնմխելիության խորհրդանիշ է: Նա հայերի և կաթոլիկ եկեղեցու միջև հարաբերություններում համարվում է էկումենիզմի խորհրդանիշ, նա եկեղեցու դոկտորներից միակն է, որը կաթոլիկ չի եղել և չի պատկանում Հռոմին կապակցված որևէ եկեղեցու,- բացատրել է Սվյատոսլավը,- 2015 թվականին Հռոմի պապ Ֆրանցիսկոսը Նարեկացուն հռչակել է Եկեղեցու 36-րդ դոկտոր: Նման դեպք գրեթե չի եղել Հռոմի պապ Ֆրանցիսկոսի հովվապետության օրոք: Հռոմի պապի որոշումը Ամենայն հայոց կաթողիկոս Գարեգին Բ պատրիարքի և Արամ Ա կաթողիկոսի (Կիլիկյան կաթողիկոսություն) հետ էկումենիկ հարաբերությունների միասնության ամրապնդման պտուղն է»: «Ես անկեղծ ուրախանում եմ էկումենիկ երկխոսության նման պտուղների համար և աղոթում եմ Սուրբ Գրիգորի համար», -ավելացրեց Նորին Սրբություն Սվյատոսլավը:

Հիշեցնենք, որ Հռոմի պապ Ֆրանցիսկոսը փետրվարի 27-ը սահմանել է Գրիգոր Նարեկացու հիշատակի օր: Հիշեցնենք նաև, որ Գրիգոր Նարեկացու էկումենիկ սրբացումը տեղի է ունեցել Վատիկանի Սուրբ Պետրոսի տաճարում՝ Հայոց ցեղասպանության 100-րդ տարելիցին նվիրված պատարագի ժամանակ: Հնչել է լատինական բանաձևը, և Հռոմի պապ Ֆրանցիսկոսը Նարեկացուն հռչակել է տիեզերական պատրիարք, տիեզերական եկեղեցու ուսուցիչ և ուսյալ վանական:


Անի Սիմոնյան

Pressmedia.am