Թունաքիմիկատներն ավելի վտանգավոր են, քան ծխախոտի ծուխը

Գիտնականները պարզել են, որ երեխաների համար մրգերի և բանջարեղենի վրա առկա թունաքիմիկատներն առավել վտանգավոր են, քան ծխախոտի ծուխը: Համապատասխան ուսումնասիրությունն իրականացվել է Կալիֆորնիայում, փորձին մասնակցել է 1,5-6 տարեկան 279 երեխա: Կամավորները բնակվել են Սալինաս հովտում, որտեղ գյուղատնտեսական  մի շարք համալիրներ կան: Յուրաքանչյուր տարի դաշտերն այստեղ հարստացվում են հումուսով և մշակվում են թունաքիմիկատներով: 

Թեսթավորման արդյունքների ուսումնասիրության արդյունքում պարզվել է, որ 1,5-6 տարեկան երեխաների շրջանում առողջական ոչ բավարար վիճակի հիմնական պատճառը թունաքիմիկատներն են: Նույնիսկ ծխախոտի ծուխն այնքան չի վտանգում փոքրիկների առողջությունը, որքան վնասատուների դեմ կիրառվող քիմիական հավելումները:

 Նշված դաշտերի հարևանությամբ բնակվող երեխաները շատ ավելի հաճախ են առողջական խնդիրներ ունեցել, քան փորձի մասնակից նրանց մյուս հասակակիցները: Փորձի ընթացքում առաջին խմբի երեխաների մոտ թոքերի ծավալը կրճատված է եղել միջինում 8 տոկոսով: Այս ցուցիչը կրկնակի մեծ է պասիվ ծխելու արդյունքում առողջությանը սպառնացող վտանգից. ծխախոտի ծուխ պարբերաբար շնչելու արդյունքում թոքերի ծավալը կրճատվում է միջինում 4 տոկոսով:

Այսպիսով, մասնագետները ծնողներին զգուշացնում են հնարավորինս զերծ մնալ փոքրիկներին թունաքիմիկատներով մշակված մթերքներ առաջարկելուց, ինչը կարող է անբուժելի հիվանդությունների պատճառ դառնալ: