Արցախում կա իշխանափոխության անհրաժեշտություն
Վերլուծություն
Արցախի ԱԺ-ում մի քանի պատգամավորներ օրենսդրական նախաձեռնությամբ են հանդես եկել, որով առաջարկում են ռուսերենը դարձնել պաշտոնական լեզու։ Այս թեմայով pressmedia.am կայքը զրուցել է քաղաքական վերլուծաբան Հրանտ-Մելիք-Շահնազարյանի հետ։
— Պարոն Շահնազարյան, ինչպե՞ս եք գնահատում այս նախաձեռնությունը։
— Ես չգիտեմ, թե ինչ անհրաժեշտությունից ելնելով են նման նախաձեռնությամբ հանդես եկել Արցախի պատգամավորները և նաև քաղաքական իրավիճակը չեմ պատկերացնում, թե արդյո՞ք հիմա դա է առաջնահերթությունների մեջ։ Եթե կան հստակ մշակված հիմնավորումներ և դա ընդամենը ցանկություն չէ Ռուսաստանի աչքին լավ երևալու, ապա հասկանալի կլինի այդ նախաձեռնությունը։ Բայց հիմքերը դեռ չեմ տեսել և այդ հիմքերը, որոնք ներկայացվում են պատգամավորների կողմից, անկեղծ ասած, իմ մոտ տպավորություն են ստեղծում, որ մարդիկ ընդամենը փորձում են Ռուսաստանի աչքին լավ երևալ, ինչը, իմ կարծիքով, ամենաճիշտ ուղին չէ։ Իսկ, եթե ձգտում են գործընկեր դառնալ ինչ-որ մի պետության, ինչ-որ երկրի, ապա բոլոր քայլերը պետք է հաշվարկված և հիմնավորված լինեն և որևէ կերպ քծնողական չընկալվեն։
— Արդյո՞ք այս գործընթացը չի վտանգում Արցախի ինքնիշխանությունը:
— Արցախի ինքնիշխանությանը այսօր ամեն ինչն է սպառնում։ Մենք տեսնում ենք, որ անվտանգային և սուբեկտային բավականին լուրջ խնդիրներ կան, որոնցով Արցախի իշխանությունները հետևողականորեն չեն զբաղվում, անգամ չեն էլ գնահատել այդ խնդիրների ծավալը և քանակը։ Դրա համար չեմ կարող ասել, որ այսօր հիմնական վտանգը լեզվի հարցն է։ Հիմնական սպառնալիքները շատ ավելի շատ են և խորքային։
— Ի՞նչ եք կարծում, Արցախում իշխանափոխության անհրաժեշտություն կա՞:
— Արցախում, միանշանակ, կա իշխանափոխության անհրաժեշտություն, սակայն նման հնարավորություն այս պահին չկա։
Սարգիս Խառատյան
1
2
3
4
5
1
3
1
2
