Երբ կվերականգնվի զբոսաշրջային շրջագայությունների պահանջարկը Հայաստանում

Atorus.ru-ն գրում է, որ փետրվարի 15-ից կվերականգնվեն կանոնավոր չվերթները դեպի Երևան: Ըստ փոխադրողների տվյալների՝ փետրվարին Մոսկվա-Երևան թռիչքի արժեքը սկսվում է 8442 ռուբլուց, իսկ ահա հակառակ ուղղությամբ կան խնդիրներ. փետրվար ամսվա համար մնացել են միայն բիզնես կարգի տոմսեր, որի համար պետք է վճարել սկսած 32891 ռուբլուց: Մայիս ամսվա համար՝ մինիմալ արժեքը 18000 է: Ըստ փորձագետների, Երևան թռչելու ավիատոմսերի արժեքը բարձր է մինչև կորոնավիրուսային համաճարակը եղած մակարդակից: Նշենք, որ նման իրավիճակ գրանցվում է նոր բացվող ուղղություններից շատերի դեպքում:

 

Հիշեցնենք, որ Հայաստան Ռուսաստանի քաղաքացիները կարող են մուտք գործել ներքին անձնագրերով, ներկայումս պահանջվում է նաև կորոնավիրուսային թեստի պատասխան: Մինչև համաճարակը Հայաստանը եղել է ռուսաստանցիների սիրելի ուղղությունների թոփ հնգյակում. պահանջված են եղել սիթի-բրեյկները, էքսկուրսիոն, գաստրոնոմիական և էկո տուրերը: Ըստ զբոսաշրջային գործակալությունների Հայաստանը ներկայումս ևս մեծ հնարավորություն ունի վերադարձնել ռուս զբոսաշրջիկներին, որոնք սիրում են այդ երկրի հյուրընկալությունը և նախընտրում են էքսկուրսիոն զբոսաշրջիկություն: Հնարավոր է, որ պիկ արձանագրվի մայիսյան տոներին և այն պահպանվի ամռան ամիսներին, չնայած Հայաստանում առկա չէ դասական լողափային հանգիստը:

 

Միևնույն ժամանակ որոշ փորձագետներ այն կարծիքին են, որ Հայաստանը ներքին քաղաքական խնդիրների պատճառով ռուսների մոտ չի ընկալվում որպես զբոսաշրջային ուղղություն, քանի որ զբոսաշրջիկները ցանկանում են այցելել այնպիսի երկիր, որտեղ ամեն ինչ հանգիստ է և անվտանգ: Բացի դա կարող է ազդել նաև ավիատոմսերի թանկությունը: Միևնույն ժամանակ ըստ զբոսաշրջային գործակալությունների հաղորդման բուն Հայաստանում էքսկուրսիոն և բնակվելու ծառայությունների գների թանկացում չկա, գները մնացել են 2020 թվականի մակարդակին: