Զինվորականները վրաններ են տեղադրել Ներքին Խնձորեսկ գյուղի մոտակայքում
Սյունիքի մարզի Ներքին Խնձորեսկ գյուղի մոտակայքում ադրբեջանցիների զինվորականները վրաններ են տեղադրել. սահմանի ճշգրտում է տեղի ունենում, մեր ձեռքն առավելություններ են եղել, հիմա GPS-ով չափում են, ճշտումներ են անում ու ասում են՝ հետ գնացեք: Այս մասին Tert.am-ի հետ զրույցում ասել է Խնձորեսկի համայնքապետ Երվանդ Մալունցը:
Նրա խոսքով՝ 2 օր առաջ է հակառակորդն ասել, որ Ներքին Խնձորեսկի մոտ գտնվող հենակետերն իրենցն են: «Մեզ հարցրել են՝ ինչքա՞ն ժամանակ կպահանջվի, որ հետ գնաք, ասել ենք՝ երեք ժամ: Բայց այդ օրվանից հետո դեռ ձայն չեն հանում»,- պատմել է նա:
Համայնքապետը հավելել է. «Ճիշտ է՝ այդ GPS-ը չի համապատասխանում իրականությանը, այնպես չէ, որ մեր սրտով է, բայց հիմա դրանով են առաջնորդվում, ի՞նչ կարող ենք մենք անել: Ես կարող եմ իմ գյուղի քարտեզը տանեմ, ցույց տամ, ադրբեջանցին էլ ասում է՝ դու գուցե մի քարտեզ ես բերում, որ մինչև Կուբաթլու մեջը նշված է, հիմա սա ենք հիմք ընդունում»:
Մանրամասն՝ այստեղ
1
2
3
4
5
1
2
3
4
5
1
2
3
4
5
