Շուշին հայկակա՞ն է, թե՝ ոչ. Նիկոլ Փաշինյանին ուղղված գրավոր հարցի պատասխանը

Հունվարի 30-ին Նիկոլ Փաշինյանը ֆեյսբուքյան իր էջում ուղիղ եթերի ժամանակ անդրադարձավ Շուշիի մասին իր հայտնի հայտարարությանն՝ ըստ էության այդպես էլ հստակ պատասխան չտալով հարցին՝ Շուշին, իր կարծիքով, հայկակա՞ն է, թե՝ ոչ:

Հիշեցնենք, որ ավելի վաղ Փաշինյանն Ազգային Ժողովում հայտարարել էր (մեջբերում ենք բառացի). «Իսկ  Շուշին հակամարտությունից և ազատագրումից առաջ ունեցել է 90 և ավելի տոկոս ադրբեջանական բնակչություն: Այսինքն՝ դուք ուզում եք ասել, որ 90 և ավելի տոկոս ադրբեջանցի բնակչություն ունեցող Շուշի քաղաքը հայկակա՞ն է իր այդ կարգավիճակով»:

Analitik.am-ը հարցում էր ուղարկել՝ ուղղված անձամբ Նիկոլ Փաշինյանին, որպեսզի հստակ պատասխանի հարցին՝ Շուշին հայկակա՞ն է, թե՝ ոչ, պատասխանի «այո» կամ «ոչ»:

Հարցը հետևյալն էր. «Խնդրում եմ հարցը փոխանցել Նիկոլ Փաշինյանին ու փոխանցել մեզ անձամբ նրա պատասխանը. «Պարոն Նիկոլ Փաշինյան, Շուշին հայկակա՞ն քաղաք է, թե՝ ոչ: Խնդրում եմ պատասխանել մաքսիմալ հստակ՝ այո, կամ՝ ոչ»:

Վարչապետի աշխատակազմի տեղեկատվության և հասարակայնության հետ կապերի վարչության պետ Արմեն Խաչատրյանից ստացանք հարցման պատասխան, որում հղում է արվում հունվարի 30-ի Նիկոլ Փաշինյանի ուղիղ եթերին, որում, ինչպես նշեցինք, Փաշինյանը նորից չի պատասխանում հարցին՝ Շուշին հայկական է, թե ոչ:

Հարցման պատասխանից կարող ենք եզրակացնել, որ Նիկոլ Փաշինյանն ամեն կերպ խուսափում է պատասխանել այս պարզ հարցին՝ Շուշին հայկական քաղաք է, թե ոչ, ասել հստակ՝ այո կամ ոչ:

Ավելին՝ այստեղ