Անվտանգության առումով խնդիր կա
Վերլուծություն
Գյումրիում վերջին շաբաթվա ընթացքում նկատվում է ռուսական 102-րդ ռազմաբազայի` զինտեխնիկայի ու զինծառայողների ակտիվ տեղաշարժ։ Բացի այդ, նաև Գյումրիից 62 կմ հեռավորության վրա գտնվող Կարսում մեկնարկում են թուրք-ադրբեջանական զորավարժությունները:
Այս թեմայով pressmedia.am կայքը զրուցել է ռազմական փորձագետ Դավիթ Հարությունովի հետ։ Հարցին, թե արդյոք ռազմատեխնիկայի և զինծառայողների տեղաշարժը իրենից որևէ վտանգ չի ներկայացնում` Դավիթ Հարությունովը պատասխանել է․ «Տեղաշարժը բազմաթիվ ձևով կարող է լինել և ես չեմ տիրապետում, իսկ զորավարժությունները նախապես պլանավորված էին, և հա, եթե մի կողմում Ադրբեջանն ու Թուրքիան են, ապա Հայաստանի համար դա վտանգ է ներկայացնում։ Անվտանգության առումով, միանշանակ, կա խնդիր, բայց ռազմաբազայի մասով կարող է լինել պլանային ինչ որ տեղափոխում։ Եթե ռազմաբազան դուրս բերվի` դա ինչ-որ քաղաքական որոշումների արդյունքում կարող է լինել, ինչի մասին որևէ պաշտոնական տեղեկատվություն չկա»։
Անդրադառնալով թուրք-ադրբեջանական զորավարժություններին` փորձագետը ասել է․ «Այն տարբերակը, որ իրենք ինչ-որ մարտական գործողություններ են պլանավորում, ինչպես եղավ 2020 թվականին, ես դա համարում եմ քիչ հավանական, որովհետև իրենք այս փուլում արդեն լուծել են իրենց խնդիրը ու նաև կա ռուսական գործոնը, այսինքն, ռազմական ներկայությունը Հայաստանի տարածքում։ Այդ տեսակետից այս պահին քիչ հավանական է բայց ընդհանուր առմամբ, վտանգավոր է, որովհետև այդ երկու երկրները Հայաստանի հանդեպ թշնամաբար են տրամադրված և իրենց ռազմական համագործակցությունը առհասարան մտահոգիչ է Հայաստանի համար և ինչ-որ տեղ կարող է լինել նաև ճնշման վտանգ»։
Անի Սիմոնյան
1
2
3
4
5
1
2
4
5
1
2
3
4
5
