Ադրբեջանը գնահատել է ռուս խաղաղապահների արհեստավարժությունը Ղարաբաղում
Վերլուծություն
Info24.ru-ն գրում է, որ Ադրբեջանի ղեկավարությունը բարձր է գնահատել աշնանային պատերազմի ավարտից հետո Լեռնային Ղարաբաղում ծառայող ռուս խաղաղապահների արհեստավարժությունը: Այդ մասին Ադրբեջանի նախագահի օգնական Հիքմեթ Հաջիևը խոսել է Անդրկովկասում հետկոնֆլիկտային կարգավորման մասին ՆԱՏՕ-ի Ատլանտյան խորհրդի վերլուծական կենտրոնի համաժողովում և Ատլանտյան խորհրդի լրատվական գործակալությանը տված իր հարցազրույցում:
Հաջիևի խոսքերով Ադրբեջանի իշխանությունները արդյունավետորեն համագործակցում են Ռուսաստանի խաղաղապահ ուժերի հրամանատարության հետ և գոհ են խնդրին նրանց մոտեցումից: Խաղաղապահները ճնշում չեն գործադրում ո՛չ Բաքվի, ո՛չ Երևանի վրա, նրանք երկխոսություն են վարում շահագրգիռ երկու կողմերի հետ` պահպանելով հավասարակշռությունը, ասել է դիվանագետը: «Ադրբեջանը ենթակառուցվածքային և նյութատեխնիկական աջակցություն է ցուցաբերում ռուս խաղաղապահներին, այդ թվում` նրանց պատասխանատվության ոլորտում իրականացվող մարդասիրական գործունեության մեջ», - հավելել է Հիքմեթ Հաջիևը:
Նա ավելացրել է, որ հավանական է համարում Ադրբեջանի և Հայաստանի խաղաղ հարաբերությունները և առաջարկել է հայ գործընկերներին «մտածել ապագայի մասին» և չփնտրել վրեժ լուծելու հնարավորություններ: «Ինչի՞ եք հասել 30 տարվա հակամարտության ընթացքում: Ոչնչի: Օկուպացիայի գինը չափազանց բարձր էր: Բայց հիմա առկա է խաղաղության իրական հնարավորություն Հայաստանի և Ադրբեջանի միջև», - ասել է նա:
Արմինե Սիմոնյան
1
2
3
4
5
1
2
4
5
1
2
3
4
5
