Կառավարության մակարդակով չունենք խորացված և արժեքավոր հարաբերությունների հնարավորություն
Pressmedia.am կայքը քաղաքագետ Սարո Սարոյանի հետ զրուցել է ՀՀ արտաքին քաղաքականության հնարավորությունների և նոր օրակարգերի ձևավորման թեմայով։
— Պարոն Սարոյան, հաշվի առնելով այսօրվա իշխանության արտաքին քաղաքական դոկտրինը, ի՞նչ եք կարծում, որքանո՞վ նրանց առաջնահերթությունը կլինի ԱՄՆ-ի հետ հարաբերությունների ամրապնդումը, ինչպես նաև նոր օրակարգերի ներկայացումը:
— Ներկայիս կառավարությունը առաջին իսկ օրից ցույց է տվել իր պրոռուսական ուղղվածությունը և սպասել, որ այդ պրոռուսական գծից ինքը կկարողանա շեղվել, ես չեմ հավատում դրան։ Այն, որ ԱՄՆ-ն ունի նոր վարչակազմ և հարաբերություններ ստեղծելու լայն դաշտ կա, դա իրենք էլ են հասկանում, բայց ամեն դեպքում, իրենք կաշկանդված են իրենց ռուսամետությամբ և նաև Կրեմլի քաղաքական պատվերները կատարելով, այդ պատճառով սպասել, որ լուրջ առաջընթաց կարող է լինել հայ-ամերիկյան հարաբերություններում, ես մեծ սպասելիքներ չունեմ։
— Կարելի է ասել, որ Հայաստանի քաղաքական դաշտում արևմտյան կողմնորոշում ունեցող քաղաքական ուժեր գրեթե չկան, արդյո՞ք սա խնդիր չէ նույն հասարակության մոտ դիրքորոշում փոխելու համար։
— Հայաստանում շատ կան այդպիսի միավորներ, բայց խնդիրը ընդդիմադիր այս կամ այն քաղաքական միավորների մասին չի, այլ խնդիրը գործող կառավարության և, առհասարակ, կառավարությունների մակարդակով հարաբերվելու մասին է։ Այս պահի դրությամբ առայժմ չեն երևակում այն հնարավորությունները, որոնք մեր կառավարության մակարդակով հնարավոր կլինի խորացված և արժեքավոր հարաբերություններ ունենալ։
Անի Սիմոնյան
1
2
3
4
5
1
2
3
4
1
2
3
5
