Ռազմական լրագրող Կոտենյոկ․ Բաքվի և Անկարայի զորավարժությունը ոչ երկիմաստ ազդանշան է Մոսկվային

Politexpert.net-ը գրում է, որ Անկարան ու Բաքուն զորավարժություններ կանցկացնեն: Համատեղ զորավարժությունների ընթացքում կիրականացվեն օդային և դեսանտային գործողություններ: Վարժանքները տեղի կունենան Թուրքիայի Կարսի նահանգում։ Այդ մասին հայտնել է WarGonzo հեռագրային ալիքը` վկայակոչելով ադրբեջանական լրատվամիջոցները:

«Սա նմանատիպ առաջին համատեղ միջոցառումը չէ,- PolitExpert-ի խմբագրակազմին տված հարցազրույցում նշել է Segodnya.ru պորտալի գլխավոր խմբագիր, ռազմական փորձագետ Յուրի Կոտենոկը,- Ադրբեջանն ու Թուրքիան վարժանքներ են իրականացնում «Մեկ ժողովուրդ` երկու պետություն» հայեցակարգի շրջանակներում»: «Արդեն տեղի են ունեցել մի շարք հրամանատարական մարտական վարժանքներ և դասընթացներ: Դե, եկեք չմոռանանք, որ Ղարաբաղյան պատերազմը ցույց է տվել, թե որքան սերտ համագործակցություն կա Թուրքիայի և Ադրբեջանի միջև: Փաստացի, Ղարաբաղում իրականացվող ռազմական գործողությունները վերահսկվել են Թուրքիայի գլխավոր շտաբի սպաների կողմից,- ասել է զրուցակիցը: «Անկարան պլանավորել և ղեկավարել է ամբողջ գործընթացը: Ըստ որոշ հաղորդագրությունների, Ադրբեջանի գլխավոր շտաբը եղել է կողք քաշված, նրան փաստացի հեռացրել են հրամանատարությունից, և գործողությունների իրականացմանը անմիջական մասնակցություն է ունեցել Թուրքիան»:

Ըստ ռազմական փորձագետի պարզաբանման` «ընթացիկ զորավարժությունները միանշանակ ազդանշան են և՛ Հայաստանի, և՛ Ռուսաստանի համար: Նրանք ցանկանում են ցույց տալ, թե ով է տարածաշրջանի տերը, փորձում են ցույց տալ իրենց ուժն ու հզորությունը, Բաքվում հպարտորեն ասում են, որ իրենց բանակն ամենահզորն է ԱՊՀ-ում, առկա է էյֆորիա»։

Նշենք, որ դեկտեմբերին Բաքվում անց է կացվել համատեղ զորահանդես` ի պատիվ Ղարաբաղում տարած հաղթանակի: Դրան մասնակցել են Թուրքիայի ղեկավար Ռեջեփ Թայիփ Էրդողանը և Ադրբեջանի ղեկավար Իլհամ Ալիևը: Շքերթին հայտարարություններ են արվել առ այն, որ հայկական հողերը պատկանում են Բաքվին: Եվ սա արդեն ոչ թե անուղղակի, այլ ուղղակի սպառնալիք է: «Իհարկե, սա նաև նշան է Մոսկվային: Քանի որ թուրքերը իրենց որոշ չափով զրկված են համարում Ղարաբաղում ռուս խաղաղապահների տեղակայման կայծակնային գործողությունից հետո: Նրանք չեն կարող իրենց զորախումբը տեղակայել ռուս զինվորականների կողքին: Բայց դրանք ցույց են տալիս, որ իրենք կարող են տարբեր գործողություններ իրականացնել ռազմական գործողությունների այդ թատրոնում »,- ասել է Յուրի Կոտենոկը:

Հունվարյան համաձայնագրերի շրջանակներում Նախիջևանի շրջանը պետք է դառնա տարանցիկ Ադրբեջանի համար: Թուրքիան ցանկանում է օգտագործել այդ ռազմավարական հաղորդակցության ուղին: Այդ մայրուղին ելք է դեպի Կասպից ծով և Կենտրոնական Ասիայի տարածաշրջաններ: «Ընթացիկ զորավարժությունները ազդանշան է առ ան, որ պետք է հետևել համաձայնագրին, դա ազդանշան է Հայաստանին, իսկ հակառակ դեպքում իրենք պատրաստ են հարձակողական գործողություններ իրականացնել: Չմոռանանք, որ Բաքվում տարած հաղթանակից հետո նրանք համոզված են, որ ունակ են մարտական առաջադրանք կատարել մի քանի ժամվա ընթացքում, ընդ որում` հաշվի չի առնվում ռուսական ռազմաբազան», - հավելել է Կոտենոկը: «Դա սադրանք է Հայաստանի և Ռուսաստանի դեմ»,- եզրափակել է ռազմական փորձագետը:

Աննա Սարդարյան

Pressmedia.am